പ്രേക്ഷകര്‍ ആവേശം നിറച്ചു കൊണ്ട് ‘കിങ് ഓഫ് കൊത്ത’യുടെ പുതിയ വാര്‍ത്തകള്‍ ഫീല്‍ഡില്‍ മാറിമാറി വരികയാണ്. ദുല്‍ഖര്‍ സല്‍മാന്‍ നായകനായി എത്തുന്ന ബിഗ് ബജറ്റ് ചിത്രത്തിന്റെ കിടിലന്‍ പോസ്റ്ററുകള്‍ കൊണ്ട് സോഷ്യല്‍ മീഡിയയില്‍ തരംഗമായി മാറിക്കൊണ്ടിരിക്കുന്നു. ഈയിടെ ഇറങ്ങിയ ടീസറും പോസ്റ്ററും പ്രേക്ഷകര്‍ ഏറ്റെടുത്തു കഴിഞ്ഞിരുന്നു. ഇപ്പോഴിതാ, പുതിയ ട്രയിലര്‍ റിലീസ് ചെയ്യാന്‍ ഒരുങ്ങിയിരിക്കുകയാണ് കിങ് ഓഫ് കൊത്തയുടെ അണിയറ പ്രവര്‍ത്തകര്‍. ഓഗസ്ത്- 9 നാണ് ചിത്രത്തിന്റെ ട്രൈലര്‍ പുറത്തിറങ്ങുന്നത്. ആഗസ്ത് 24 നു ചിത്രം തിയ്യേറ്ററുകളിലേക്കും എത്തും. ചിത്രത്തിന്റെ ട്രയിലര്‍ പുറത്തിറങ്ങുന്നതുമായി ബന്ധപ്പെട്ട പോസ്റ്റര്‍ സോഷ്യല്‍ മീഡിയ ഏറ്റെടുത്തിരിക്കുകയാണ്.
അഭിലാഷ് ജോഷി സംവിധാനം ചെയ്ത് ദുല്‍ഖര്‍ സല്‍മാന്‍ നായകനായി എത്തുന്ന ബിഗ് ബജക്റ്റ് മാസ്സ് എന്‍റര്‍ടെയ്നര്‍ ചിത്രത്തിന്റെ ഛായാഗ്രഹണം നിമീഷ് രവിയും സംഗീതം ജേക്സ് ബിജോയിയും ഷാന്‍ റഹ്മാനും നിര്‍വഹിക്കുന്നു. ചെമ്പന്‍ വിനോദ്, ഐശ്വര്യ ലക്ഷ്മി, അനിഖ സുരേന്ദ്രന്‍, ഷമ്മി തിലകന്‍, ഗോകുല്‍ സുരേഷ്, നൈല ഉഷ, ശാന്തി കൃഷ്ണ, വടചെന്നൈ ശരണ്‍, പ്രസന്ന, ഷബീര്‍ കല്ലറയ്ക്കല്‍ തുടങ്ങിയവരാണ് ചിത്രത്തിലെ മറ്റ് താരങ്ങള്‍.
