സാംസ് പ്രൊഡക്ഷൻസിന്റെ ബാനറിൽ എഴുത്തുകാരനും പ്രവാസിയുമായ മൻസൂർ പള്ളൂർ നിർമ്മിച്ച് മാധ്യമപ്രവർത്തകനും പ്രവാസിയുമായ ഇ എം അഷ്റഫ് സംവിധാനം ചെയ്യുന്ന ഇന്ത്യയിലെ ആദ്യത്തെ A I സിനിമ ഒരുങ്ങുന്നു. അമേരിക്കക്കാരിയും സോഷ്യൽ ഇൻഫ്ലൂവെൻസറുമായ അപർണ മൽബെറി നായികയായി എത്തുന്ന ഈ ചിത്രത്തിന്റെ കാരക്ടർ പോസ്റ്ററാണ് പുറത്തിറങ്ങിയിരിക്കുന്നത്. ‘മോണിക്ക ഒരു A I സ്റ്റോറി’ എന്നാണ് സിനിമയുടെ പേര്. A I സാങ്കേതിക വിദ്യയെയും കഥാപാത്രത്തെയും ഒരു കഥയിലൂടെ അവതരിപ്പിക്കുന്ന ഇന്ത്യയിലെ തന്നെ ആദ്യ സിനിമയാണ് മോണിക്ക ഒരു A I സ്റ്റോറി. മൻസൂർ പള്ളൂരിന്റെയും ഇ എം അഷ്റഫിന്റേതുമാണ് തിരക്കഥ.
ഗോപിനാഥ് മുതുകാട്, മാളികപ്പുറം ഫെയിം ശ്രീപദ്, മണികണ്ഠൻ, കണ്ണൂർ ശ്രീലത, പ്രസന്നൻ പിള്ള, സിനി എബ്രഹാം, പി കെ അബ്ദുള്ള, ആൻമീര ദേവ്, ഷിജിത്ത് മണവാളൻ, പ്രീതി കീക്കാൻ, വീഞ്ചു വിശ്വനാഥ്, ഹരി കാഞ്ഞങ്ങാട്, അജയൻ കല്ലായി, ആൽബർട്ട് അലക്സ്, ആനന്ദജ്യോതി, അലൻ, അനിൽ ബേബി, ശുഭ കാഞ്ഞങ്ങാട്, ഹാതീം തുടങ്ങിയവർ ചിത്രത്തിലെ മറ്റ് കഥാപാത്രങ്ങളായി എത്തുന്നു. എഡിറ്റിങ് ഹരി ജി നായർ, വി എഫ് എക്സ് വിജേഷ് സി ആറും നിർവഹിക്കുന്നു. സംഗീതം യൂനുസിയോ, പശ്ചാത്തല സംഗീതം റോണി റാഫെൽ, ഗാനരചന പ്രഭാവർമ്മ. മെയ് 24 ന് ചിത്രം റിലീസാവും.
.
