ജോജു ജോര്ജ്ജു൦ കല്യാണി പ്രിയദര്ശനും പ്രധാന വേഷത്തിലെത്തുന്ന ജോഷി ചിത്രം ആന്റണിയുടെ ട്രൈലര് ഒക്ടോബര് 19- നു പുറത്തിറങ്ങും. ലോകേഷ് കനകരാജിന്റെ ലിയോ ചിത്രത്തിനൊപ്പമാണ് ആന്റണിയുടെ ടീസറും പ്രേക്ഷകര്ക്ക് മുന്നിലേക്ക് എത്തുക. രക്തബന്ധങ്ങള്ക്കുപരി നിര്മ്മിക്കപ്പെടുന്ന അദൃശ്യമായ ആത്മബന്ധത്തെ ചേര്ത്തു നിര്ത്തുന്ന കഥയുമായാണ് ‘ആന്റണി’ എത്തുക. ഐന്സ്റ്റീന് മീഡിയയുടെയും നെക്സ്റ്റല് സ്റ്റുഡിയോയുടെയും അള്ട്രാമീഡിയ എന്റര്ടൈമെന്റിന്റെയും ബാനറില് ഐന്സ്റ്റീന് സാക് പോളും സുശീല് കുമാര് അഗ്രവാളും നിതിന് കുമാറും രജത് അഗ്രവാളും ചേര്ന്നാണ് ചിത്രം നിര്മ്മിക്കുന്നത്.
നവംബര് 23- നു ചിത്രം തിയ്യേറ്ററുകളിലേക്ക് എത്തും. മലയാളം, തമിഴ്, തെലുങ്ക്, ഭാഷകളില് ചിത്രം റിലീസ് ചെയ്യും. ജോജു ജോര്ജ്ജ്, കല്യാണി പ്രിയദര്ശന്, നൈല ഉഷ, ചെമ്പന് വിനോദ്, തുടങ്ങിയവര് പ്രധാന കഥാപാത്രങ്ങളായി എത്തുന്നു. ജോഷിയുടെ തന്നെ ഹിറ്റ് ചിത്രം പൊറിഞ്ചു മറിയം ജോസിലും ഇവര് തന്നെയായിരുന്നു പ്രധാനകഥാപാത്രങ്ങളായി എത്തിയത്. കല്യാണി പ്രിയദര്ശന്റെ ആദ്യ ജോഷി ചിത്രമാണ് ആന്റണി. ഛായാഗ്രഹണം രണദീവ്, സംഗീതം ജെയ്ക്സ് ബിജോയ്, എഡിറ്റിങ് ശ്യാം ശശിധരന്.
