‘താനാരാ’ ഫസ്റ്റ് ലുക്ക് പോസ്റ്റര്‍ പുറത്ത്

വണ്‍ ഡേ ഫിലിംസിന്‍റെ ബാനറില്‍ ബിജു വി മത്തായി നിര്‍മ്മിച്ച് ഹരിദാസ് സംവിധാനം ചെയ്യുന്ന ‘തനാരാ?’ ചിത്രത്തിന്‍റെ ഫസ്റ്റ് ലുക്ക് പോസ്റ്റര്‍ പുറത്തിറങ്ങി. റാഫിയാണ് ചിത്രത്തിന് തിരക്കഥ ഒരുക്കിയിരിക്കുന്നത്. ഇന്ദ്രപ്രസ്ഥം, കിന്നരിപ്പുഴയോരം, ജോര്‍ജ് കുട്ടി കെയര്‍ ഓഫ് ജോര്‍ജ് കുട്ടി, ഊട്ടി പട്ടണം തുടങ്ങിയവയാണ് ഹരിദാസ് സംവിധാനം ചെയ്ത മറ്റ് ചിത്രങ്ങള്‍. ഒരു കോമഡി എന്‍റര്‍ടൈമെന്‍റ് മൂവിയാണ് തനാരാ. വിഷ്ണു ഉണ്ണികൃഷ്ണന്‍, അജു വര്ഗീസ്, ഷൈന്‍ ടോം ചാക്കോ ജിബു ജേക്കബ്, ദീപ്തി സൈരന്ധ്രി, സ്നേഹ ബാബു, ചാന്ദ്നി തുടങ്ങിയവരാണ് ചിത്രത്തില്‍ പ്രധാന കഥാപാത്രങ്ങളായി എത്തുന്നത്. ഛായാഗ്രഹണം വിഷ്ണു നാരായണനും സംഗീതം ബിജിപാലും ശ്രീനാഥും ചേര്‍ന്ന് നിര്‍വഹിക്കുന്നു. ബി കെ ഹരിനാരായണന്‍, വിനായക് ശശി കുമാര്‍ തുടങ്ങിയവരാണ് ഗാനരചന.