ഇന്ദ്രന്‍സും ഉര്‍വ്വശിയും മത്സരിച്ചഭിനയിക്കുന്ന ചിത്രം ‘ജലധാര പമ്പ് സെറ്റ് സിന്‍സ് 1962’ ആഗസ്ത് 11- മുതല്‍. ചിത്രത്തിന്റെ ട്രൈലര്‍ ദിലീപ്, ആസിഫ് അലി, ഇന്ദ്രജിത്ത്, ആന്‍റണി വര്‍ഗീസ്, ലാല്‍ ജോസ്, ധ്യാന്‍ ശ്രീനിവാസന്‍, സുരാജ് വെഞ്ഞാറമ്മൂട് തുടങ്ങിയവര്‍ പുറത്തിറക്കി. വണ്ടര്‍ ഫ്രയിംസ് ഫിലിംലാന്‍ ഡിന്‍റെ ബാനറില്‍ സാഗര്‍, ബൈജു ചെല്ലമ്മ, സനിത ശശിധരന്‍ തുടങ്ങിയവരാണ് ചിത്രം നിര്‍മ്മിക്കുന്നത്. വണ്ടര്‍ ഫ്രയിംസ് ഫിലിംലാന്‍ഡ് ആദ്യമായി നിര്‍മ്മിക്കുന്ന ചിത്രം കൂടിയാണ് ജലധാര പമ്പ് സെറ്റ് സിന്‍സ് 1962.
തികച്ചും നര്‍മ്മ പ്രധാനമായ മുഹൂര്‍ത്തങ്ങളാണ് ട്രൈലറില്‍ ഉള്ളത്. ആഷിഷ് ചിന്നപ്പ സംവിധാനം ചെയ്യുന്ന ചിത്രത്തില്‍ കലാഭവന്‍ ഹനീഫ്, വിജയരാഘവന്‍, ടി ജി രവി, അല്‍ത്താഫ്, സാഗര്‍, ജോണി ആന്‍റണി, സജി ചെറുകയില്‍,സനൂഷ, ശൈലജ അമ്പു, അഞ്ജലി സുനില്‍കുമാര്‍, സ്നേഹ ബാബു, നിത കര്‍മ്മ തങ്കച്ചന്‍ വിതുര, വിഷ്ണു ഗോവിന്ദന്‍, ജയന്‍ ചേര്‍ത്തല, ശിവജി ഗുരുവായൂര്‍, സാരംഗ്, തുടങ്ങിയവരും ചിത്രത്തില്‍ വേഷമിടുന്നു. പാലക്കാട് വെച്ച് ചിത്രത്തിന്റെ ഷൂട്ടിംഗ് നടന്നു. സനു കെ ചന്ദ്രന്‍റെ കഥയില്‍ പ്രജിന്‍ എം പിയുടെയും ആഷിഷ് ചിന്നപ്പയുടേതുമാണ് തിരക്കഥ. സജിന്‍ പുരുഷന്‍ ഛായാഗ്രഹണവും കൈലാസ് സംഗീതവും പശ്ചാത്തലസംഗീതവും രതിന്‍ രാധാകൃഷണന്‍ എഡിറ്റിങും ബി കെ ഹരിനാരായണന്‍ ഗാനരചനയും നിര്‍വഹിക്കുന്നു. ഒരു ആക്ഷേപഹാസ്യ ചിത്രം കൂടിയാണ് ജലധാര പമ്പ് സെറ്റ് സിന്‍സ് 1962.
