27- മത് ടാലിൻ ബ്ലാക്ക് നൈറ്റ്സിൽ ‘അദൃശ്യജാലകങ്ങൾ’ പ്രദർശിപ്പിച്ചു

ഡോ: ബിജു രചനയും സംവിധാനവും ചെയ്ത് ടോവിനോ തോമസും നിമിഷ സജയനും പ്രധാന കഥാപാത്രങ്ങളായി എത്തുന്ന ‘അദൃശ്യജാലകങ്ങൾ’ 27- മത് ടാലിൻ ബ്ലാക്ക് നൈറ്റ്സിൽ പ്രദർശിപ്പിച്ചു. രാധിക ലാവുവിന്റെ എല്ലനാർ ഫിലിംസും നവീൻ യെർനേനി, വൈ രവിശങ്കർ തുടങ്ങിയവരുടെ മൈത്രി മൂവി മേക്കേഴ്സും ടോവിനോ പ്രൊഡക്ഷൻസും ചേർന്ന് നിർമ്മിച്ച ചിത്രമാണ് അദൃശ്യജാലകങ്ങൾ. യുദ്ധം പശ്ചാത്തലമായി വരുന്ന കൊണ്ട് സമകാലിക പ്രധാന്യത്തോടെയാണ് സിനിമ സ്വീകരിക്കപ്പെട്ടത്. സംവിധായകൻ ഡോ ബിജുവും ടോവിനോ തോമസും നിർമാതാവ് രാധിക ലാവുവും എസ്തോണിൽ നടന്ന വേൾഡ് പ്രീമിയറിൽ പങ്കെടുത്തു. ഈ വർഷം മേളയിലേക്ക് തിരഞ്ഞെടുക്കപ്പെട്ട ഏക ഇന്ത്യൻ ചിത്രം കൂടിയാണ് അദൃശ്യജാലകങ്ങൾ. ഏറെ പോസറ്റീവ് അഭിപ്രായമാണ് ചിത്രം കണ്ടവരുടെ ഭാഗത്ത് ഇന്നും ഉണ്ടായത്. ഇന്ദ്രൻസ്, നിമിഷ സജയൻ തുടങ്ങിയവരാണ് ചിത്രത്തിലെ പ്രധാന അഭിനേതാക്കൾ. മൂന്നു തവണ ഗ്രാമി അവാർഡ് നേടിയ റിക്കി കെജ് ആണ് ചിത്രത്തിന് സംഗീതം ഒരുക്കിയത്. നവംബർ മൂന്നു മുതൽ തുടങ്ങിയ മേള 19 വരെ നടക്കും.