ഓള്ഗാ പ്രൊഡക്ഷന്സിന്റെ ബാനറില് നടനും സംവിധായകനുമായ സോഹന് സീനുലാല് രചനയും സംവിധാനവും നിര്വഹിച്ച് റെജി പ്രോത്താസിസും നൈസി റെജിയും ചേര്ന്ന് നിര്മ്മിക്കുന്ന ചിത്രം ‘ഡാന്സ് പാര്ട്ടി’യുടെ സെക്കന്ഡ് ലുക്ക് പോസ്റ്റര് പുറത്തിറങ്ങി. വിഷ്ണു ഉണ്ണികൃഷ്ണനും ശ്രീനാഥ് ഭാസിയും ഷൈന് ടോം ചാക്കോയും പ്രയാഗയും പ്രധാനകഥാപാത്രങ്ങളായെത്തുന്ന ഈ ചിത്രത്തില് കൊച്ചിയില് ഡാന്സും പാര്ട്ടിയുമായി ജീവിക്കുന്ന ചെറുപ്പക്കാരുടെ ജീവിതമാണ് പ്രമേയം.
സംഗീതത്തിന് പ്രധാന്യം കൊടുക്കുന്ന സിനിമ എന്ന പ്രത്യേകത കൂടിയുണ്ട് ഡാന്സ് പാര്ട്ടിക്ക്. സന്തോഷ് വര്മ്മയുടെ വരികള്ക്ക് രാഹുല് രാജ്, ബിജിബാല്, വി3കെ ആണ്. സൌത്ത് ഇന്ത്യയിലെ പ്രശസ്തനായ ഷെരീഫ് മാസ്റ്ററാണ് ചിത്രത്തിന്റെ കൊറിയോഗ്രഫി. ചിത്രത്തില് ലെന, സാജു നവോദയ, മെക്കാര്ട്ടിന്, നാരായണന് കുട്ടി, ജാനകി ദേവി, ശ്രദ്ധ ഗോകുല്, ഫുക്രു, ബിനു തൃക്കാക്കര, പ്രീതി രാജേന്ദ്രന്, സംജാദ് ബ്രൈറ്റ്, ജോളി ചിറയത്ത്, സുശീല്, അമാര, ജിനി, ഫൈസല്, ഷിനി, ഗോപാല് ജി, ബിന്ദു, ഫ്രെഡ്ഡി തുടങ്ങിയവര് പ്രധാന കഥാപാത്രങ്ങളായി എത്തുന്നു. ഛായാഗ്രഹണം ബിനു കുര്യനും എഡിറ്റിങ് വി സാജനും നിര്വഹിക്കുന്നു.
