റഹ്മാന്‍ നായകനായി എത്തുന്ന ചിത്രം ‘സമാറാ’ പുതിയ റിലീസ് തീയതി പ്രഖ്യാപിച്ചു. ആഗസ്ത് 4- നു ഇറങ്ങാനിരുന്ന ചിത്രത്തിന്റെ റിലീസ് ആഗസ്ത് 11- ലേക്കാണ് മാറ്റിയത്. നവാഗത സംവിധായകന്‍ ചാള്‍സ് ജോസഫ് രചനയും സംവിധാനവും നിര്‍വഹിച്ച ചിത്രത്തിന്റെ ട്രയിലറിന് മികച്ച പ്രതികരണമാണ് പ്രേക്ഷകരുടെ ഭാഗത്ത് നിന്നും ലഭിച്ചത്. പീക്കോക്ക് ആര്‍ട്ട് ഹൌസിന്‍റെ ബാനറില്‍ എം കെ സുഭാകരനും അനുജ് വര്‍ഗീസ് വില്ല്യാടത്തും ചേര്‍ന്ന് ചിത്രം നിര്‍മ്മിക്കുന്നു.
ഒരു സയന്‍സ് ഫിക്ഷന്‍ ത്രില്ലര്‍ ചിത്രമാണ് ‘സമാറാ’. കുളു, മണാലി, ജമ്മുകാശ്മീര്‍, ധര്‍മ്മശാല തുടങ്ങിയ സ്ഥലങ്ങളില്‍ വെച്ച് ചിത്രത്തിന്റെ ഷൂട്ടിങ്ങ് നടന്നു. ഏറെ പുതുമയോടെയാണ് ചിത്രത്തിന്റെ ട്രയിലറും റിലീസായത്. ‘ബജ്രംഗി ഭായ്ജാന്‍, ജോളി എല്‍ എല്‍ ബി 2 എന്നീ ഹിന്ദി ചിത്രങ്ങളിലൂടെയും വിശ്വരൂപം 2 എന്ന തമിഴ് ചിത്രത്തിലൂടെയും ശ്രദ്ധേയനായ ബോളിവുഡ് താരം മീര്‍സര്‍വാര്‍, തമിഴ് നടന്‍ ഭരത്, സഞ്ജന ദീപു, ബിനോജ് വില്ല്യ, ടിനിജ്, ടോം സ്കോട്ട്, ഗോവിന്ദ് കൃഷ്ണ, രാഹുല്‍ മാധവ് തുടങ്ങി നിരവധി വിദേശ താരങ്ങളും ചിത്രത്തില്‍ അഭിനയിക്കുന്നു. സംഗീത സംവിധാനം ദീപക് വാര്യരും ഛായാഗ്രഹണം സിനു സിദ്ധാര്‍ഥ്, പശ്ചാത്തല സംഗീതം ഗോപീസുന്ദറും എഡിറ്റിങ് ആര്‍ ജെ പപ്പനും നിര്‍വഹിച്ചു.
