മഹേഷ് പി ശ്രീനിവാസൻ എഴുതി സംവിധാനം ചെയ്ത് ധ്യാൻ ശ്രീനിവാസനും അന്ന രേഷ്മ രാജനും പ്രധാനവേഷത്തിലെത്തുന്ന ചിത്രം ‘കുടുംബസ്ത്രീയും കുഞ്ഞാടും’ എന്ന ചിത്രത്തിന്റെ ഏറ്റവും പുതിയ ട്രയിലർ പുറത്തിറങ്ങി. പൂർണ്ണമായയും നർമ്മമുഹൂർത്തങ്ങളിലൂടെ കടന്നു പോകുന്ന ഈ ചിത്രത്തിൽ വളരെക്കാലത്തിന് ശേഷം നടത്തുന്ന പൂർവ്വവിദ്യാർഥി സംഗമവും അതിനോടനുബന്ധിച്ച് പ്രവാസകുടുംബത്തിലുണ്ടാകുന്ന അസ്വസ്ഥതകളുമാണ് സിനിമയുടെ കഥാതന്തു.
ഇൻഡി ഫിലിംസിന്റെ ബാനറിൽ ബെന്നി പീറ്റേഴ്സ് നിർമ്മിക്കുന്ന ചിത്രത്തിൽ ബെന്നി പീറ്റേഴ്സ്, കലാഭവൻ ഷാജോൺ, സലീംകുമാർ, ഗിന്നസ് പക്രു, മണിയൻപിള്ള രാജു, ജാഫർ ഇടുക്കി, സാജു നവോദയ, സ്നേഹ ശ്രീകുമാർ, സ്നേഹ ബാബു, ക്രോബാ രാജേഷ്, ബിന്ദു എൽസി, മജീദ്, ഷാജി മാവേലിക്കര, മങ്കാമഹേഷ് തുടങ്ങിയവർ ചിത്രത്തിൽ അഭിനയിക്കുന്നു. ഛായാഗ്രഹണം ലോവൽ എസ്, തിരക്കഥ സംഭാഷണം ശ്രീകുമാർ അറയ്ക്കൽ, എഡിറ്റിങ് രാജകൃഷ്ണൻ, ഗാനങ്ങൾ സിജിൽ ശ്രീകുമാർ, സംഗീതം ശ്രീജ് ശ്രീധർ, മണികണ്ഠൻ. മെയ് പതിമൂന്നിന് സിനിമ തിയ്യേറ്ററുകളിൽ എത്തും.
