ജി മാർത്താണ്ഡന്റെ കോമഡി എന്റർടൈമെന്റ് ചിത്രമായ മഹാറാണിയുടെ ട്രയിലർ റിലീസായി. ഇതിന് മുൻപ് പുറത്തിറങ്ങിയ ടീസറുകളും ഗാനങ്ങളും പോസ്റ്ററുകളും ഏറെ ശ്രദ്ധേയമായിരുന്നു. ചിത്രത്തിൽ ഷൈൻ ടോം ചാക്കോ, റോഷൻ മാത്യു, എന്നിവരാണ് പ്രധാന കഥാപാത്രങ്ങളായി എത്തുന്നത്. ഇഷ്ക്, അടി മുതലായ സിനിമകൾക്ക് വേണ്ടി തിരക്കഥ ഒരുക്കിയ രതീഷ് രവിയാണ് മഹാറാണിയുടെ തിരക്കഥ എഴുതിയിരിക്കുന്നത്. എസ് ബി ഫിലിംസിന്റെ ബാനറിൽ സുജിത് ബാലനും എൻ എം ബാദുഷായും ചിത്രം നിർമ്മിക്കുന്നു.
ബാലു വർഗീസ്, ജോണി ആൻറണി, ഹരിശ്രീ അശോകൻ, ജാഫർ ഇടുക്കി, കൈലാഷ്, ഗോകുലൻ, നിഷാ സാരംഗ്, അശ്വത് ലാൽ, ശ്രുതി ജയൻ, പ്രിയ കോട്ടയം, സന്ധ്യ മനോജ്, രഘുനാഥ് പലേരി, അപ്പുണ്ണി ശശി, ആദിൽ ഇബ്രാഹിം, ഉണ്ണി ലാലു, പ്രമോദ് വെളിയനാട്, ഗൌരി ഗോപൻ, തുടങ്ങിയവർ ചിത്രത്തിൽ പ്രധാന കഥാപാത്രങ്ങളായി എത്തുന്നു. ഛായാഗ്രഹണം എസ് ലോകനാഥൻ, പശ്ചാത്തല സംഗീതം ഗോപി സുന്ദർ, ഗാനരചന രാജീവ് ആലുങ്കൽ, എഡിറ്റിങ് നൌഫൽ അബ്ദുള്ള.
