മലയാളത്തിൽ റിലീസായി ഗംഭീര വിജയം കരസ്ഥമാക്കിയ പ്രേമലു ഇനി തമിഴ് നാട്ടിലും പ്രദർശനത്തിന് എത്തുന്നു. ഡി എം കെ നേതാവും നടനും നിർമാതാവുമായ ഉദയനിധി സ്റ്റാലിന്റെ ഉടമസ്ഥതയിലുള്ള റെഡ് ജെന്റ് മൂവീസാണ് പ്രേമലൂ സിനിമയുടെ തമിഴ് പതിപ്പ് വിതരണം ചെയ്യുന്നത്. ഉദയനിധിയുടെ ഹിറ്റ് ചിത്രം മാമന്നനിൽ കൂടെ അഭിനയിച്ച ഫഹദ് ഫാസിലാണ് പ്രേമലുവിന്റെ നിർമാതാവ്. മാർച്ച് 8 ന് റിലീസായ പ്രേമലുവിന്റെ തെലുങ്ക് പതിപ്പ് എസ് എസ് രാജമൌലിയുടെ മകൻ എസ് എസ് കാർത്തികേയയുടെ ഷോയിംഗ് ബിസിനസ് ആണ് ചിത്രത്തിന്റെ വിതരണം ഏറ്റെടുത്തിരുന്നത്. മാർച്ച് 15 ന് ചിത്രം തമിഴ് നാട്ടിൽ റിലീസ് ചെയ്യും.
ഒരു മാസം കഴിയുമ്പോൾ മലയാളത്തിൽ നൂറു കൊടി ക്ലബിൽ എത്തിയിരിക്കുകയാണ് പ്രേമലു. കൂടാതെ വിദേശരാജ്യങ്ങളിലും തിയ്യേറ്ററുകൾ ഹൌസ് ഫുൾ ആണ്. ഗിരീഷ് എ ഡി സംവിധാനം ചെയ്ത് ഭാവന സ്റ്റുഡിയോസിന്റെ ബാനറിൽ ദിലീഷ് പോത്തൻ, ഫഹദ് ഫാസിൽ, ശ്യാം പുഷ്ക്കരൻ എന്നിവർ നിർമ്മിച്ച റൊമാന്റിക് കോമഡി എന്റർടൈമെന്റ് ചിത്രമാണ് ‘പ്രേമലു’. ക്രിസ്തുമസ് സ്പെഷ്യലായാണ് പോസ്റ്റർ പുറത്തിറക്കിയത്. തണ്ണീർ മത്തൻ ദിനങ്ങൾ, സൂപ്പർ ശരണ്യ എന്നീ ഹിറ്റ് ചിത്രങ്ങൾക്ക് ശേഷംഗിരീഷ് സംവിധാനം ചെയ്യുന്ന ഏറ്റവും പുതിയ മൂവിയാണ് പ്രേമലു.
ഹൈദരബാദിന്റെ പശ്ചാത്തലത്തിൽ ഒരുങ്ങിയ ഈ ചിത്രത്തിൽ നസ്ലിൻ, മമിത ബൈജു, നമിത പ്രമോദ് തുടങ്ങിയവരാണ് പ്രധാന കഥാപാത്രങ്ങളെ അവതരിപ്പിച്ചത്. ഗിരീഷ് എ ഡി യുടെയും കിരൺ ജോസിയുടെയുമാണ് തിരക്കഥ. ചിത്രത്തിൽ അഖില ഭാർഗ്ഗവൻ, മീനാക്ഷി രവീന്ദ്രൻ, ശ്യാം മോഹൻ, സംഗീത് പ്രതാപ്, അൽതാഫ് സലീം, തുടങ്ങിയവരും അഭിനയിച്ചിട്ടുണ്ട്. തല്ലുമാല, ഗപ്പി, അമ്പിളി, എന്നീ ചിത്രങ്ങൾക്ക് ശേഷം സംഗീതം നല്കിയത് വിഷ്ണു വിജയ് ആണ്. എഡിറ്റിങ് ആകാശ് ജോസഫ് വർഗീസ്, ക്യാമറ അജ്മൽ സാബു.
