ഷൈൻ ടോം ചാക്കോ, പ്രയാഗ മാർട്ടിൻ, ശ്രീനാഥ് ഭാസി തുടങ്ങിയവർ പ്രധാന റോളിൽ എത്തുന്ന ‘ഡാൻസ് പാർട്ടിയുടെ ഏറ്റവും പുതിയ ട്രയിലർ പുറത്ത് വിട്ടു. കഴിഞ്ഞ തവണ ഇറങ്ങിയ ട്രയിലറിൽ കിടിലൻ ഡാൻസ് പെർഫോമൻസ് ആണ് പ്രേക്ഷകർ ആസ്വദിച്ചതെങ്കിൽ ഇത്തവണ ചിത്രത്തിലെ കോമഡി രംഗങ്ങളാണ് ഉള്ളത്. ഓൾഗാ പ്രൊഡക്ഷൻസിന്റെ ബാനറിൽ സോഹൻ സീനുലാലിന്റെതാണ് രചനയും സംവിധാനവും. ഫാമിലി കോമഡി ചിത്രം കൂടിയാണ് ഡാൻസ് പാർട്ടി. ബാംഗ്ലൂർ, കൊച്ചി എന്നിവിടങ്ങളിലായിരുന്നു ചിത്രത്തിന്റെ ഷൂട്ടിംഗ് നടന്നത്. ഓർഗ പ്രൊഡക്ഷൻസിന്റെ ബാനറിൽ റെജി പ്രോത്താസിസ്, നൈസി റെജി എന്നിവർ ചേർന്ന് നിർമ്മിക്കുന്ന ചിത്രമാണ് ഡാൻസ് പാർട്ടി.
രാഹുൽ രാജ് സംഗീതം നിർവഹിച്ച ‘ദമാ ദമാ’ എന്ന ഗാനമാണ് റിലീസായത്. കൂടാതെ ബിജിപാൽ, v3കെ എന്നിവരും സംഗീതം പകർന്ന ഗാനങ്ങളും ചിത്രത്തിൽ ഉണ്ട്. സംവിധായകരായ ബി ഉണ്ണികൃഷ്ണൻ, അജയ് വാസുദേവ്, ഷാഫി, തുടങ്ങിയ താരങ്ങൾ ചടങ്ങിൽ പങ്കെടുത്തു. സന്തോഷ് വർമ്മ, മല്ലു രാപ്പർ, ഫെജോ, നിഖിൽ എസ് മറ്റത്തിൽ, തുടങ്ങിയവരാണ് ചിത്രത്തിലെ ഗാനങ്ങൾ എഴുതിയത്. ലെന, ഫുക്രു, അഭിലാഷ് പട്ടാളം, നാരായണൻ കുട്ടി, സംജാദ് ബ്രൈറ്റ്, ഫൈസൽ, ഷിനിൽ, അമര എസ് പല്ലവി, ജാനകി ദേവി, ജിനി, സുശീൽ, അഡ്വ: വിജയകുമാർ, തുടങ്ങിയവർ ചിത്രത്തിലെ മറ്റ് കഥാപാത്രങ്ങളായി എത്തുന്നു. ഛായാഗ്രഹണം ബിനു കുര്യൻ, എഡിറ്റിങ് വി സാജൻ. ഡിസംബർ ചിത്രം തിയ്യേറ്ററുകളിലേക്ക് എത്തും.
