മലബാറിലെ തെയ്യങ്ങളുടെ പശ്ചാത്തലത്തില്‍ പുറത്തിറങ്ങുന്ന ചിത്രം നാളെ തിയ്യേറ്ററുകളിലേക്ക് എത്തുന്നു. സിബി പടിയറ രചനയ്ക്കു പ്രമോദ് സാരംഗ് സംഗീത സംവിധാനം ചെയ്ത ‘സ്നേഹിതേ…’ എന്നു തുടങ്ങുന്ന ഏറ്റവും പുതിയ ഗാനത്തിന്‍റെ ലിറിക്കല്‍ വീഡിയോ പുറത്തുവിട്ടിരിക്കുകയാണ് അണിയറ പ്രവര്‍ത്തകര്‍. സിബിപടിയറയാണ് ചിത്രം സംവിധാനം ചെയ്തിരിക്കുന്നതും. സുനില്‍ സൂര്യ പ്രധാന വേഷത്തി എത്തുന്ന ചിത്രമാണ് മുകള്‍പ്പരപ്പ്. തിങ്കളാഴ്ച നിശ്ചയം എന്ന ചിത്രത്തിന് ശേഷം സുനില്‍ സൂര്യ പ്രധാന വേഷത്തിലെത്തുന്ന ചിത്രം കൂടിയാണിത്.
അന്തരിച്ച മാമുക്കോയ ഒടുവിലായി അഭിനയിച്ച ചിത്രം കൂടിയാണ് മുകള്‍പ്പരപ്പ്. ചിത്രത്തില്‍ അപര്‍ണ ജനാര്‍ദനന്‍ നായികയായി എത്തുന്നു. ചിത്രത്തിന്റെ നിര്‍മാതാവായ കെ കെ ജയപ്രകാശന്‍ ഗാനരചനയും നിര്‍വഹിച്ചിട്ടുണ്ട്. കണ്ണൂരിലെ ഒരു ഗ്രാമത്തിന്‍റെ പാരിസ്ഥിതിക പശ്ചാത്തലവും അന്തരീക്ഷവും അവിടത്തെ പാറഖനനവും ചാത്തുട്ടി പെരുവണ്ണാന്‍റെ ജീവിതവുമാണ് ചിത്രത്തില്‍ പ്രമേയം.
പ്രണയവും തമാശയും ചിത്രത്തിലൂടെ കടന്നു പോകുന്നു. നിരവധി പുതുമുഖങ്ങളും ചിത്രത്തില്‍ അഭിനയിക്കുന്നു. ചിത്രത്തിന്റെ ഗാനരചയിതാവും സഹരചയിതാവുമാ യ ജെ പി തവറൂലാണ് നിര്‍മ്മാതാവ്. ഊര്‍മിള ഉണ്ണി, ബിന്ദു കൃഷ്ണ, ശിവദാസ് മട്ടന്നൂര്‍, രജിത മധു തുടങ്ങിയവരും ചിത്രത്തില്‍ കഥാപാത്രങ്ങളായി വേഷമിടുന്നു. കൂടാതെ നിരവധി പുതുമുഖങ്ങളും തെയ്യം കലാകാരന്മാരും ചിത്രത്തില്‍ അണിനിരക്കുന്നുണ്ട്. ജെ പി തവറൂലിന്‍റെ വരികള്‍ക്ക് പ്രമോദ് സാരംഗ്, ജോജി തോമസ് ഈണം പകരുന്നു. എഡിറ്റിങ് ലിന്‍സന്‍ റാഫേലും പശ്ചാത്തല സംഗീതം അലന്‍ വര്‍ഗീസും നിര്‍വഹിക്കുന്നു.
