പത്മഭൂഷൺ നിറവിൽ ശോഭനയും അജിത്തും ബാലയ്യയും; പങ്കജ് ഉദാസിന് മരണാനന്തര ബഹുമതി

പത്മഭൂഷൺ പുരസ്കാരം ചലച്ചിത്ര അഭിനേതാക്കളായ അജിത്തിനും ബാലയ്യയ്ക്കും (നന്ദമൂരി ബാലകൃഷ്ണ ) നടിയും നർത്തകിയുമായ ശോഭനയ്ക്കും നടൻ അനന്ത് നാഗ്, സംവിധായകൻ ശേഖർ കപൂർ, മരണാനന്തര ബഹുമതിയായി ഗസൽ ഗായകൻ പങ്കജ് ഉദാസിനും പത്മഭൂഷൺ നല്കി രാജ്യം ആദരിച്ചു. നടി മമത ശങ്കർക്കും മറാത്തി നടൻ അശോക് സറഫിനും പത്മശ്രീ പുരസ്കാരവും ലഭിച്ചു. അഭിനേതാവ് മാത്രമല്ല, നിർമാതാവും രാഷ്ട്രീയനേതാവും കൂടിയാണ് നന്ദമൂരി ബാലകൃഷ്ണ. ബാലതാരമായി ബാലയ്യ സിനിമയിലേക്ക് ആദ്യ ചുവട് വയ്ക്കുന്നത് പിതാവും സംവിധായകനുമായ എൻ. ടി രാമറാവു സംവിധാനം ചെയ്ത ചിത്രത്തിലൂടെയാണ്. മലയാളം , തെലുങ്ക്, തമിഴ് തുടങ്ങിയ ഭാഷകളിലെ സിനിമകളിൽ ഇന്നും സജീവമാണ് നടി ശോഭന. കൂടാതെ ജീവനകലയായ നൃത്തത്തെ കൂടെ കൂടെ കൊണ്ട് പോകുന്നു. അഭിനയിച്ച മിക്ക സിനിമകളിലും ശക്തമായ കഥാപാത്രമായി എത്താൻ ശോഭനയ്ക്ക് കഴിഞ്ഞു. കൂടാതെ ഒരു തവണ കേരളസംസ്ഥാന ചലച്ചിത്ര പുരസ്കാരവും രണ്ട് തവണ ദേശീയ ചലച്ചിത്ര പുരസ്കാരവും ലഭിച്ചു. 2006- ശോഭനയെ രാജ്യം പത്മശ്രീ നല്കി ആദരിച്ചിട്ടുണ്ട്.  അഭിനയിച്ച ഭൂരിപക്ഷം സിനിമകളും ഹിറ്റ് ആക്കി മാറ്റിയ സിനിമയും കഥാപാത്രങ്ങളുമാണ് അജിത്തിന്റേത്.