ദിലീപും തമന്നയും പ്രധാന വേഷത്തിൽ; നവംബർ 10- ന് തിയ്യേറ്ററുകളിലേക്ക് ഒരുങ്ങി ബാന്ദ്ര

ദിലീപും തമന്ന ഭാട്ടിയയും പ്രധാന വേഷത്തിലെത്തുന്ന ബാന്ദ്ര നവംബർ- 10 ന് തിയ്യേറ്ററുകളിലേക്ക് എത്തുന്നു. അരുൺ ഗോപിയാണ് ചിത്രത്തിന്റെ സംവിധാനം. U/A സർട്ടിഫിക്കറ്റാണ് സെൻസറിങ്ങിന് ശേഷം ചിത്രത്തിന് ലഭിച്ചത്. പ്രണയവും ആക്ഷനും കുടുംബവും ഒരുപോലെ ചർച്ചചെയ്യപ്പെടുന്ന ചിത്രമാണ് ബാന്ദ്ര. ചിത്രത്തിന്റെ ഓൺലൈൻ ബുക്കിങ് ആരംഭിച്ചു. അജിത്ത് വിനായക ഫിലിംസിന്റെ ബാനറിൽ അജിത്ത് നിർമ്മിക്കുന്ന ചിത്രത്തിന്റെ തിരക്കഥ ഉദയകൃഷ്ണയുടേതാണ്. അലൻ അലക്സാണ്ടർ ഡൊമിനിക് എന്ന കഥാപാത്രമായി ദിലീപും താര ജാനകി എന്ന കഥാപാത്രമായി തമന്നയും എത്തുന്നു. ചിത്രത്തിൽ മമ്ത മോഹൻദാസ് മറ്റൊരു പ്രധാന കഥാപാത്രമായും എത്തുന്നുണ്ട്. തമിഴ് നടൻ ശരത്, ബോളിവുഡ് നടൻ ദിനോ മോറിയ, സിദ്ദിഖ്, കലാഭവൻ ഷാജോൺ, ഗണേഷ് കുമാർ തുടങ്ങിയവരാണ് മറ്റ് പ്രധാന അഭിനേതാക്കൾ. ഛായാഗ്രഹണം ഷാജി കുമാർ, സംഗീതം സാം സി എസ്, എഡിറ്റിങ് വിവേക്.