നവാഗതനായ സന്തോഷ് പാലോട് സംവിധാനം ചെയ്ത് ടിനി ടോമും നന്ദുവും അൻസിബയും പ്രധാന വേഷത്തിൽ എത്തുന്ന ചിത്രം ‘പൊലീസ് ഡേ’യുടെ ഫസ്റ്റ് ലുക്ക് പോസ്റ്റർ പുറത്തിറങ്ങി. ഒരു പൊലീസ് ഉദ്യോഗസ്ഥന്റെ മരണവും അന്വേഷണവുമാണ് ചിത്രത്തിന്റെ കാതൽ. ടി വൈ എസ് പി ലാൽ മോഹൻ എന്ന ഇൻവെസ്റ്റിഗേറ്റിവ് ഓഫീസറായാണ് ടിനി ടോം എത്തുന്നത്.
ഒരു ഇൻവെസ്റ്റിഗേറ്റിവ് ത്രില്ലർ ചിത്രമാണ് പൊലീസ് ഡേ. ഒരു ക്ലീൻ എന്റർടയിനർ ചിത്രമായിരിക്കും പൊലീസ് ഡേ എന്നു അണിയറ പ്രവർത്തകർ അവകാശപ്പെടുന്നു. ധർമ്മജൻ ബോൾഗാട്ടി, ശ്രീധന്യ, ഹരീഷ് കണാരൻ തുടങ്ങിയ അഭിനേതാക്കളും മറ്റ് പുതുമുഖ താരങ്ങളും ചിത്രത്തിൽ പ്രധാനകഥാപാത്രങ്ങളായി എത്തുന്നു. രചന മനോജ് ഐ ജി യും സംഗീതം സിനു മോഹനും ഛായാഗ്രഹണം ഇന്ദ്രജിത്തും എഡിറ്റിങ് രാകേഷ് അശോകും നിർവഹിക്കുന്നു.
