ദൃശ്യം- 1 നും ദൃശ്യം- 2 നും ശേഷം മോഹന്‍ലാല്‍- ജിത്തു ജോസഫ് കൂട്ടുകെട്ടില്‍ പുറത്തിറങ്ങുന്ന പുതിയ ചിത്രം നേരിന്‍റെ വിശേഷങ്ങള്‍ പങ്ക് വെച്ചു മോഹന്‍ലാല്‍. നേരിലെ പുതിയ ക്യാരക്ടര്‍ ചിത്രമാണ് പുറത്തു വിട്ടിരിക്കുന്നത്. നേരിന്‍റെ സെറ്റിലുള്ള ലുക്ക് ഫോട്ടോ മോഹന്‍ലാല്‍ ഷെയര്‍ ചെയ്തു. സെറ്റില്‍ ജോയിന്‍ ചെയ്തിരിക്കുകയാണ് താരം. വൈകാതെ കൂടുതല്‍ വിശേഷങ്ങള്‍ പങ്കുവയ്ക്കുമെന്ന് അദ്ദേഹം അറിയിച്ചു. ചിങ്ങം ഒന്നിനാണ് നേരിന്‍റെ ചിത്രീകരണം ആരംഭിച്ചത്.
ആശീര്‍വാദ് സിനിമാസിന്‍റെ ബാനറില്‍ ആന്‍റണി പെരുമ്പാവൂര്‍ നിര്‍മിക്കുന്ന ചിത്രത്തിന്റെ കഥയും തിരക്കഥയും ജിത്തു ജോസഫും ശാന്തി മായാദേവിയും ചേര്‍ന്നാണ് രചിച്ചിരിക്കുന്നത്. പ്രിയാമണി, അനശ്വര രാജന്‍, ഗണേഷ് കുമാര്‍, നന്ദു, മാത്യു വര്‍ഗീസ്, ദിനേശ് പ്രഭാകര്‍, രമാദേവി, ജഗദീഷ്, സിദ്ദിഖ്, ശങ്കര്‍ ഇന്ദുചൂഡന്‍, കലേഷ്, രശ്മി അനില്‍, ഡോ പ്രശാന്ത് തുടങ്ങിയവരും അഭിനയിക്കുന്നു. വിനായക് ശശികുമാറിന്‍റെ വരികള്‍ക്ക് വിഷ്ണു ശ്യാം സംഗീതം പകരുന്നു. ഛായാഗ്രഹണം സതീഷ് കുറുപ്പും എഡിറ്റിങ് വി എസ് വിനായാകും നിര്‍വഹിക്കുന്നു.
