ചലച്ചിത്ര പിന്നണി ഗായകൻ പി വി വിശ്വനാഥൻ അന്തരിച്ചു

ജയസൂര്യ നായകനായി അഭിനയിച്ച ‘വെള്ളം’ എന്ന മൂവിയിലെ ‘ഒരു കുറി കണ്ട് നാം’ എന്ന ഒറ്റപ്പാട്ടിലൂടെ ശ്രദ്ധേയനായ ചലച്ചിത്ര പിന്നണി ഗായകൻ പിവി വിശ്വനാഥൻ അന്തരിച്ചു. 54- വയസ്സായിരുന്നു. ന്യൂമോണിയ ബാധയെത്തുടർന്ന് മംഗലാപുരം ഹോസ്പിറ്റലിൽ ചികിത്സയിലായിരുന്നു. ഗാനമേളകളിലും വിശ്വനാഥൻ പാടിയിട്ടുണ്ട്. സ്കൂൾ കലോത്സവങ്ങളിൽ സംഗീതവേദിയിൽ ജഡ്ജായും ഇദ്ദേഹം എത്താറുണ്ട്. തളിപ്പറമ്പിലെ മിൽട്ടൺസ് കോളേജിൽ അദ്ധ്യാപകനായിരുന്നു. അച്ഛൻ: പരേതനായ പിവി കണ്ണൻ, അമ്മ: എംവി കാർത്ത്യായനി. സംസ്കാരം തിങ്കളാഴ്ച രാവിലെ 11 മണിക്ക് കീഴാറ്റൂരിലെ സമുദായ ശ്മശാനത്തിൽ.