ഗോവ അന്താരാഷ്ട്ര ചലച്ചിത്ര മേളയിൽ ഇന്റർനാഷണൽ ഫിലിം ജൂറി ചെയർമാനായി ശേഖർ കപൂർ

നടനും സംവിധായകനുമായ ശേഖർ കപൂർ 54- മത് ഗോവ അന്താരാഷ്ട്ര ചലച്ചിത്ര മേളയിൽ ഇന്റർനാഷണൽ ഫിലിം ജൂറി ചെയർമാനായി തിരഞ്ഞെടുക്കപ്പെട്ടു. നിർമാതാവും ഫിലിം മാർക്കറ്റിങ് മുൻ മേധാവിയുമായ ജെറോം പൈലാർഡ്, ഛായാഗ്രാഹകൻ ജോസ് ലൂയി അൽകെയ്ൻ, നിരമാതാക്കളായ ഹെലൻ ലീക്ക്, കാതറീൻ  ഡുസ്റ്റാർട്ട് തുടങ്ങിയവരാണ് മറ്റ് ജൂറി അംഗങ്ങൾ. മികച്ച ചിത്രത്തിന് സുവർണ മയൂരവും 40 ലക്ഷം രൂപയും ലഭിക്കും. 15 ചിത്രങ്ങളാണ് മത്സരിക്കുന്നതിനായി എത്തുക. കൂടാതെ മികച്ച സംവിധായകൻ, നടൻ, നടി, സ്പെഷ്യൽ ജൂറി പുരസ്കാരങ്ങളും നൽകും. രജത മയൂരത്തിനായി മത്സരിക്കുന്നത് ഏഴ് ചിത്രങ്ങളാണ്. പത്ത് ലക്ഷം രൂപയും സർട്ടിഫിക്കറ്റും നൽകും. നവംബർ 20 ന് ആരംഭിക്കുന്ന ചലച്ചിത്രമേള 28 വരെയാണ് ഉണ്ടാകുക.