ഉര്‍വ്വശിയും ഭാവനയും ഒന്നിക്കുന്ന ചിത്രത്തിന് തിരിതെളിഞ്ഞു

ഉര്‍വശിയും ഭാവനയും ഒന്നിക്കുന്ന പുതിയ ചിത്രത്തിന്‍റെ പൂജ ചടങ്ങുകള്‍ കൊച്ചിയില്‍ വെച്ച് നടന്നു. പ്രിയ വാര്യര്‍, മാളവിക ശ്രീനാഥ്, അനഘ നാരായണന്‍, ശ്രീനാഥ് ഭാസി എന്നിവര്‍ ഒന്നിക്കുന്ന പുതിയ ചിത്രം സംവിധാനം ചെയ്യുന്നത് ഇന്ദ്രജിത്ത് രമേഷാണ്. 23 ഡ്രീംസിന്‍റെ ബാനറില്‍ റെനിഷ് അബ്ദുല്‍ഖദറും ലക്ഷ്മി പ്രകാശും ചേര്‍ന്നാണ് ചിത്രം നിര്‍മ്മിക്കുന്നത്. ഒരു കോമഡി എന്‍റര്‍ടൈമെന്‍റ് ചിത്രത്തിന് പോള്‍ വര്‍ഗീസൂം അര്‍ജുന്‍ കൊളങ്ങാത്തും ചേര്‍ന്നാണ് തിരക്കഥ രചിക്കുന്നത്. മണിയന്‍ പിള്ള രാജു, നന്ദു, അല്‍ത്താഫ്, അഭിറാം രാധാകൃഷ്ണന്‍, തുടങ്ങിയവരാണ് ചിത്രത്തിലെ മറ്റ് അഭിനേതാക്കള്‍. ഛായാഗ്രഹണം ബിനെന്ദ്ര മോഹന്‍, എഡിറ്റിങ് ലിജോ പോള്‍, സംഗീതം ഇഫ്തി.