ഉണ്ണി മുകുന്ദനും നിഖില വിമലും പ്രധാന കഥാപാത്രങ്ങളായി എത്തുന്ന ഏറ്റവും പുതിയ ചിത്രം ‘ഗേറ്റ് സെറ്റ് ബേബി’ യുടെ ചിത്രീകരണത്തിന് കൊച്ചിയിൽ തുടക്കമായി. വിനയ് ഗോവിന്ദ് ആണ് ചിത്രം സംവിധാനം ചെയ്യുന്നത്. സ്കന്ദ സിനിമാസിന്റെയും കിംഗ്സ്മെൻ പ്രൊഡക്ഷസിന്റെയും ബാനറിൽ സാം ജോർജ്ജ്, സുനിൽ ജയിൻ, സജീവ് സോമൻ എന്നിവർ ചേർന്നാണ് നിർമ്മാണം. ഐ വി എഫ് സ്പെഷ്യലിസ്റ്റായി ഏതുഹന ഡോക്ടർ നേരിടുന്ന വെല്ലുവിളികളും അതിജീവനവുമാണ് സിനിമയുടെ പ്രതിപാദ്യ വിഷയം.
സാമൂഹികപ്രാധാന്യമുള്ള ഈ ചിത്രം കുടുംബ പ്രേക്ഷകർക്കും സ്വീകാര്യമാകും വിധത്തിലാണ് നിർമ്മിക്കുക. പതിവുരീതികളിൽ നിന്നും തികച്ചും വ്യത്യസ്തമായ കഥാപാത്രത്തെ ഉണ്ണി മുകുന്ദൻ അവതരിപ്പിക്കുമ്പോൾ ശക്തമായ സ്ത്രീകഥാപാത്രമായി നിഖില വിമലും എത്തുന്നു. വൈവി രാജേഷും അനൂപ് രവീന്ദ്രനും ചേർന്ന് ആണ് രചന നിർവ്വഹിക്കുന്നത്. സംവിധായകനും എഡിറ്ററുമായ മഹേഷ് നാരായണൻ ആണ് ചിത്രസംയോജനം. ഛായാഗ്രഹണം അലക്സ് ജെ പുളിക്കൽ, സംഗീതം സാം സി എസ്.
