അന്താരാഷ്ടസിനിമാവേദികളിൽ തിളങ്ങി മലയാളി താരങ്ങൾ; മികച്ച നടനും നടിക്കുമുള്ള നാമനിർദേശവുമായി ദർശന രാജേന്ദ്രനും റോഷൻ മാത്യുവും

മെയ് അവസാനം ന്യൂയോർക്കിൽ വെച്ച് നടക്കുന്ന ഇന്ത്യൻ ഫിലിം ഫെസ്റ്റിവലിൽ ‘പാരഡൈസ്’ എന്ന ചിത്രത്തിലെ അഭിനയത്തിന് മികച്ച നടനും നടിക്കുമുള്ള നാമനിർദേശം ദർശന രാജേന്ദ്രനും റോഷൻ മാത്യുവിനും. മികച്ച സംവിധായകനുള്ള നമാനിർദേശം ലഭിച്ചിരിക്കുന്നത് പ്രസന്ന വിത്താനഗേയ്ക്ക് ആണ്. ഇരുപത്തിയെട്ടാമത് ബുസാൻ അന്താരാഷ്ട്ര ചലച്ചിത്ര മേളയിൽ മികച്ച ചിത്രത്തിനുള്ള കിം ജിസോക്ക് പുരസ്കാരവും സ്പെയിനിലെ 23 മത് ലാസ് പൽ മാസ് ദേ ഗ്രാൻ കനാറിയ രാജ്യാന്തര ചലച്ചിത്ര മേളയിൽ ജനപ്രിയ ചിത്രത്തിനുള്ള പുരസ്കാരവും ഫ്രാൻസിലെ മൂപ്പതാമത് വെസൂൽ അന്തരാഷ്ട്ര ചലച്ചിത്ര മേളയിൽ പ്രീ ദു ജൂറി ലീസിയൻ പുരസ്കാരവും പതിനേഴാമത് ഏഷ്യൻ ഫിലിം അവാർഡിൽ മികച്ച ചിത്രം മികച്ച സംവിധായകൻ, മികച്ച തിരക്കഥ, മികച്ച ചിത്രസംയോജനം എന്നീ വിഭാഗങ്ങളിലേക്കുള്ള നാമനിര്ദേശവും പാരഡൈസിനു ലഭിച്ചിരുന്നു. കിം ജിസോക്ക് പുരസ്കാരം നേടുന്ന ആദ്യ മലയാള മലയാള ചിത്രവും ലാസ് പൽമാസ് ദേ ഗ്രാൻ കനാറിയ മേളയിൽ അംഗീകാരം കിട്ടുന്ന ആദ്യ സൌത്ത് ഏഷ്യൻ ചിത്രം കൂടിയാണ് പാരഡൈസ്.