22- മത് ധാക്ക ഫിലിംഫെസ്റ്റിവലിൽ സ്പിരിച്വൽ വിഭാഗത്തിലേക്ക് മലയാളത്തിൽ നിന്ന് പൂവ് എന്ന ചലച്ചിത്രം തിരഞ്ഞെടുക്കപ്പെട്ടു. വിശ്വാസവും ആത്മീയതയും മനുഷ്യത്വപരമായ വീക്ഷണത്തിലൂടെ എന്ന പ്രമേയത്തിലുള്ള സിനിമകളാണ് ഈ വിഭാഗത്തിലുള്ളത്. അനീഷ് ബാബു അബ്ബാസും ബിനോയ് ജോർജ്ജും ചേർന്ന് നിർമ്മിക്കുന്ന ഈ ചിത്രത്തിന്റെ മറ്റൊരു പ്രത്യേകത വളരെ കുറച്ചുള്ള അഭിനേതാക്കളാണ്.
കെ പി എ സി ലീല, ശാന്തി റാവു, ശ്രുതി വിപിൻ, മീനാക്ഷി അനൂപ് എന്നിവരാണ് കഥാപാത്രങ്ങളായി എത്തിയത്. ഈ ചിത്രത്തിന്റെ ഏഷ്യൻ പ്രീമിയറാണ് ജനുവരി 20 മുതൽ 28 വരെയുള്ള ധാക്ക ഫിലിം ഫെസ്റ്റിവലിൽ നടക്കുന്നത്. തിരക്കഥ ജോൺസൺ വി ദേവസി. നിർമ്മാണം ഇ സന്തോഷ് കുമാർ, പശ്ചാത്തല സംഗീതം നിനോയ് തോമസ്, എഡിറ്റിങ് റഷിൻ അഹമ്മദ്.
