ബിജു മേനോനും സുരേഷ് ഗോപിയും പ്രധാന കഥാപാത്രങ്ങളായി എത്തുന്ന ചിത്രം ഗരുഡന് നവംബറില് തിയ്യേറ്ററുകളിലേക്ക് എത്തുന്നു. മാജിക് ഫ്രൈംസിന്റെ ബാനറില്ലിസ്റ്റിന് സ്റ്റീഫന് നിര്മ്മിക്കുന്ന ചിത്രം അരുണ് വര്മ്മയാണ് സംവിധാനം ചെയ്യുന്നത്. ചിത്രത്തിന് മിഥുന് മാനുവലിന്റെതാണ് തിരക്കഥ. അഞ്ചാം പാതിരയാണ് മിഥുന് മുന്പ് തിരക്കഥ എഴുതി ശ്രദ്ധേയമായ ചിത്രം. നവംബറില് ഗരുഡന് തിയ്യേറ്ററുകളിലേക്ക് എത്തും.
ചിത്രത്തില് കേരള ആംഡ് പോലീസ് കമാന്റന്റ് ഹരീഷ് മാധവന് എന്ന കഥാപാത്രമായി സുരേഷ് ഗോപി എത്തുമ്പോള് നിഷാന്ത് എന്ന കോളേജ് പ്രൊഫസറുടെ വേഷത്തില് ബിജുമേനോനും എത്തുന്നു. ത്രില്ലര് ചിത്രമായി ഒരുങ്ങുന്ന ’ഗരുഡ’ന്റെ ഷൂട്ടിങ്ങ് കൊച്ചിയിലും ഹൈദരാബാദിലും പൂര്ത്തിയാക്കി. സിദ്ദിഖ്, ദിലീഷ് പോത്തന്, സന്തോഷ് കീഴാറ്റൂര്, മാളവിക, മേജര് രവി, ചൈതന്യ പ്രകാശ്, ജോസുകുട്ടി, ജെയ്സ് ജോസ്, അഭിരാമി, ദിവ്യ പിള്ള, ബാലാജി ശര്മ്മ, അര്ജുന് നന്ദകുമാര്, തലൈവാസല് വിജയ്, രഞ്ജിത് കങ്കോല്, തുടങ്ങിയവര് പ്രധാന വേഷത്തില് എത്തുന്നു. സംഗീതം ജെയ്ക്സ് ബിജോയിയും എഡിറ്റിങ് ശ്രീജിത്ത് സാരംഗും നിര്വഹിക്കുന്നു
