സീരിയല്‍ സംവിധായകന്‍ ആദിത്യന്‍ അന്തരിച്ചു

സാന്ത്വനം, വാനമ്പാടി, ആകാശദൂത് എന്നീ ശ്രദ്ധേയ സീരിയലുകള്‍ സംവിധാനം ചെയ്ത ആദിത്യന്‍ അന്തരിച്ചു. 47 വയസ്സായിരുന്നു. ഹൃദയാഘാതത്തെ തുടര്‍ന്നു തിരുവനന്തപുരത്തുള്ള സ്വകാര്യ ആശുപത്രിയില്‍ വെച്ചായിരുന്നു അന്ത്യം. തിരുവനന്തപുരം പോയാട് എന്ന സ്ഥലത്തായിരുന്നു കുറച്ചുനാളായി താമസം. പോസ്റ്റുമോര്‍ട്ടത്തിന് ശേഷം മൃതദേഹം ഭാരത് ഭവനില്‍ പൊതുദര്‍ശനത്തിന് വയ്ക്കും. നിരവധി സീരിയല്‍- സിനിമ പ്രവര്‍ത്തകള്‍ അനുശോചനം രേഖപ്പെടുത്തി. കൊല്ലം അഞ്ചല്‍ സ്വദേശിയാണ് സീരിയല്‍ സംവിധായകനായ ആദിത്യന്‍