സമകാലികമാണ് ഇന്നത്തെ മലയാള സിനിമകള്‍ . സമൂഹത്തെ പ്രതിഫലിപ്പിക്കുന്നവ. തിങ്കളാഴ്ച നിശ്ചയം എന്ന ചിത്രത്തില്‍ മുന്നോട്ട് വയക്കുന്ന ആശയവും ഇത് തന്നെ. ഗ്രാമീണവും സാധാരണവുമായ മനുഷ്യജീവിതത്തെ വളരെ ലളിതമായി ആവിഷ്കരിച്ചിരിക്കുകയാണ് ഈ ചിത്രത്തില്‍. പ്രമേയം കൊണ്ട് തികച്ചും വേറിട്ട ശൈലി ഉയര്‍ത്തിപ്പിടിക്കാന്‍ അണിയറ പ്രവര്‍ത്തകര്‍ക്ക് കഴിഞ്ഞിട്ടുണ്ട്.
സാധാരണത്വമാണ് ഈ ചിത്രത്തിന്റെ പ്രത്യേകത. പക്ഷേ പ്രേക്ഷകരെ പിടിച്ചിരുത്തുന്ന മാന്ത്രികത ‘തിങ്കളാഴ്ച നിശ്ചയ’ത്തിനുണ്ട്. ദൃശ്യശൈലി കൊണ്ട് ഈ ചിത്രം വേറിട്ട് നില്‍ക്കുന്നു. നര്‍മ്മവും ഗ്രാമീണതയും നിറഞ്ഞു നില്‍ക്കുന്ന മികച്ച ചിത്രം കൂടിയാണ് ‘തിങ്കളാഴ്ച നിശ്ചയം’. പെണ്ണുകാണലും വിവാഹവും അതിന്‍റെ തിരക്കുകള്‍ക്കിടയിലെ തലെന്നത്തെ ഒളിച്ചോട്ടവും കൊണ്ട് സംഭവബഹുലമാണ് ചിത്രത്തില്‍ നിറഞ്ഞു നില്‍ക്കുന്നത്. സമകാലിക രാഷ്ട്രീയത്തിന്‍റെയും സാമൂഹികാന്തരീക്ഷത്തിന്‍റെയും ചിത്രമുണ്ട് ഈ സിനിമയില്‍. ക്ലീന്‍ ഫാമിലി എന്‍റര്‍ടൈമെന്‍റ് ചിത്രമായി മലയാള സിനിമയില്‍ തിങ്കളാഴ്ച നിശ്ചയം മുന്നിട്ടു നില്‍ക്കുന്നു.
കേരള സംസ്ഥാന ചലച്ചിത്ര അവാര്‍ഡില്‍ മികച്ച രണ്ടാമത്തെ സിനിമയ്ക്കുള്ള പുരസ്കാരം നേടിയ തികളാഴ്ച നിശ്ചയം ഒടിടി പ്ലാറ്റ്ഫോമായ സോണി ലൈവിലൂടെയാണ് പ്രേക്ഷകര്‍ക്ക് മുന്നിലെത്തിയത്. നാട്ടിന്‍പുറത്തു നടക്കുന്ന സാധാരണ കല്യാണം അതിനിടെയില്‍ ഉണ്ടാകുന്ന വിശേഷങ്ങള്‍, പ്രണയം ഒക്കെ സാധാരണമായി തന്നെ ആണ് ചിത്രത്തില്‍ അവതരിപ്പിച്ചിരിക്കുന്നത്. മികച്ച കഥ ,പ്രമേയം, കഥാപാത്രങ്ങള്‍ കൊണ്ട് തിങ്കളാഴ്ച നിശ്ചയം മികച്ച സിനിമയാണ്.
