സംവിധായകൻ ഷാജി എൻ. കരുണിന് ജെ. സി ദാനിയേൽ പുരസ്കാരം

2023- ളെ ജെ. സി ദാനിയേൽ പുരസ്കാരം സംവിധായകൻ ഷാജി എൻ കരുണിന്. മലയാള ചലച്ചിത്രരംഗത്തെ ആയുഷ്കാല സംഭാവനയ്ക്കുള്ള പുരസ്കാരമാണിത്. സംസ്ഥാന സർക്കാറിന്റെ പരമോന്നത ചലച്ചിത്ര പുരസ്കാരമാണിത് അഞ്ചുലക്ഷം രൂപയും ശില്പവും പ്രശസ്തിപത്രവുമടങ്ങുന്നതാണു അവാർഡ്. സാംസ്കാരിക വകുപ്പ് മന്ത്രി സജി ചെറിയാനാണ് പുരസ്കാരം പ്രഖ്യാപിച്ചത്. 2022 ലെ പുരസ്കാരം സംവിധായകൻ ടി വി ചന്ദ്രനാണ് ലഭിച്ചത്. ഗായിക കേസ് എസ് ചിത്ര, നടൻ വിജയരാഘവൻ, എന്നിവർ അംഗങ്ങളും ചെയർമാനായ  ടി  വി ചന്ദ്രൻ, ചലച്ചിത്ര അക്കാദമി സെക്രട്ടറി സി. അജോയ് മെംബറും ആയിട്ടുള്ള സമിതിയാണ് ജേതാവിനെ തിരഞ്ഞെടുത്തത്. നിരവധി സൂപ്പർ ഹിറ്റ് സിനിമകളിലൂടെ അന്തർദ്ദേശീയ തലത്തിൽ ശ്രദ്ധേയനായ സംവിധായകനാണ് ഷാജി എൻ കരുൺ. ഏഴ് ദേശീയ പുരസ്കാരങ്ങളും ഏഴ് സംസ്ഥാനപുരസ്കാരങ്ങളും പത്മശ്രീയും നേടിയിട്ടുണ്ട്.