സിദ്ധാര്ഥ് ശിവ സംവിധാനവും എഡിറ്റിങ്ങും നിര്വഹിക്കുന്ന ചിത്രം ‘എന്നിവരു’ടെ ട്രൈലര് പുറത്തിറങ്ങി. 2020 ല് സിദ്ധാര്ഥ് ശിവയ്ക്ക് മികച്ച സംവിധായകനുള്ള അവാര്ഡ് നേടിക്കൊടുത്ത ചിത്രമാണിത്. ചിത്രത്തിന്റെ പോസ്റ്റര് മെഗാസ്റ്റാര് മമ്മൂട്ടി റിലീസ് ചെയ്തു കൊണ്ട് ആശംസകള് നേര്ന്നു. വ്യക്തിവൈരാഗ്യം രാഷ്ട്രീയ പകപോക്കലായി മാറുന്നതോടെ ഒളിച്ചു താമസിക്കേണ്ടി വരുന്ന നാലു വിദ്യാര്ഥികളുടെ ജീവിതമാണ് ഉള്ളടക്കം.
ചിത്രത്തിലൂടെ മികച്ച സ്വഭാവ നടനുള്ള അവാര്ഡ് 2020 ല് സുധീഷും നേടിയിരുന്നു. സര്ജാനോ, സൂരജ് എസ് കുറുപ്പ്, ജിയോ ബേബി, ബിനു പപ്പു, തുടങ്ങിയവര് അഭിനയിക്കുന്ന ചിത്രത്തില് സൂരജ് എസ് കുറുപ്പിന്റേത് തന്നെയാണ് സംഗീത സംവിധാനവും. വരികള് എഴുതിയിരിക്കുന്നത് വിശാല് ജോണ്സണ്. ഛായാഗ്രഹണം സിന്റോ പൊടുത്താസും നിര്വഹിച്ചിരിക്കുന്നു. സൈന ഒടിടിയില് ചിത്രം സെപ്തംബര് 29- നു പ്രദര്ശനത്തിന് എത്തും.
