ഷെയ്ൻ നിഗം വീണ്ടും നായക വേഷത്തിൽ; ചിത്രം അണിയറയിൽ ഒരുങ്ങുന്നു

എസ് ടി കെ ഫ്രയിംസിന്റെ ബാനറിൽ നവാഗതനായ ഉണ്ണി ശിവലിംഗം കഥയും തിരക്കഥയുമെഴുതി സംവിധാനം ചെയ്യുന്ന ഏറ്റവും പുതിയ ചിത്രത്തിൽ ഷെയ്ൻ നിഗം  നായകനായി എത്തുന്നു. സന്തോഷ് ടി കുരുവിളയും അലക്സാണ്ടർ ജോർജ്ജും ചേർന്നാണ് ചിത്രം നിർമ്മിക്കുന്നത്. ഭാവന സ്റ്റുഡിയോസ് നിർമ്മിച്ച തങ്കം എന്ന സിനിമയൂദ അസിസ്റ്റന്റ് സംവിധായകൻ കൂടിയായിരുന്നു ഉണ്ണി ശിവലിംഗം. രതീഷ് ബാലകൃഷ്ണ പൊതുവാൾ സംവിധാനം ചെയ്ത ‘എന്ന താൻ കേസ് കൊട്’ എന്ന ചിത്രമാണ് എസ് ടി കെ ഫ്രയിംസിന്റേതായി പുറത്തിറങ്ങിയ ഒടുവിലത്തെ ചിത്രം. കബഡി കളിക്കാരായ നാലു യുവാക്കളുടെ കഥപറയുന്ന ചിത്രമാണിത്. പാലക്കാട്, കോയമ്പത്തൂർ എന്നിവിടങ്ങളിലായിരിക്കും ലൊക്കേഷൻ. ചിത്രീകരണം ഉടൻ ആരംഭിക്കും.