47- മത് വയലാര് സാഹിത്യപുരസ്കാരം ലഭിച്ച ശ്രീകുമാരന് തമ്പിക്കു ആശംസകളുമായി നടന് കമല്ഹാസന്. ആത്മകഥയായ ‘ജീവിതം ഒരു പെന്ഡുലം’ എന്ന കൃതിയിലൂടെയാണ് ശ്രീകുമാരന് തമ്പിയെത്തേടി പുരസ്കാരം എത്തിയത്. മാതൃഭൂമി ആഴ്ചപ്പതിപ്പിലൂടെ ഖണ്ഡശ്ശ: പ്രസിദ്ധീകരിക്കുകയും പിന്നീട് മാതൃഭൂമി ബുക്സ് പ്രസിദ്ധീകരിക്കുകയും ചെയ്ത കൃതിയാണ് ‘ജീവിതം ഒരു പെന്ഡുലം’. ഫേസ് ബുക്കിലൂടെ പങ്ക് വെച്ച പോസ്റ്ററിലൂടെയാണ് കമല്ഹാസന് അഭിനന്ദനം കുറിച്ചത്.
‘കവി, ഗാനരചയിതാവ്, തിരക്കഥാകൃത്ത്, നോവലിസ്റ്റ്, നിർമാതാവ്, സംവിധായകൻ എന്നിങ്ങനെ വിവിധ മേഖലകളിൽ കഴിവ് തെളിയിച്ചിട്ടുള്ള ബഹുമുഖ പ്രതിഭയാണ് പ്രിയപ്പെട്ട ശ്രീകുമാരൻ തമ്പി. അദ്ദേഹം സംവിധാനം ചെയ്ത തിരുവോണം എന്ന മലയാള ചിത്രത്തിൽ നസീർ, ശാരദ എന്നിവർക്കൊപ്പം പ്രേം കുമാർ എന്ന കഥാപാത്രത്തെ ഞാനും അവതരിപ്പിച്ചിട്ടുണ്ട്. ശ്രീകുമാരൻ തമ്പിയുടെ ‘ജീവിതം ഒരു പെൻഡുലം’ എന്ന ആത്മകഥയ്ക്ക് കേരളത്തിലെ മഹത്തായ വയലാർ അവാർഡ് ലഭിച്ചിരിക്കുകയാണ്. അദ്ദേഹത്തിന് ആശംസകൾ’…കമല്ഹാസന് മുഖപുസ്തകത്തില് കുറിച്ചു. ഒരു ലക്ഷം രൂപയും പ്രശസ്തിപത്രവും കാനായി കുഞ്ഞിരാമന് രൂപകല്പന ചെയ്ത ശില്പവുമാണ് പുരസ്കാരം.
