ആന്‍സന്‍ പോള്‍ നായകനായി എത്തുന്ന ചിത്രം താള്‍ ടൈറ്റില്‍ പോസ്റ്റര്‍ പുറത്തുവിട്ടു. റസൂല്‍ പൂക്കുട്ടി, കുഞ്ചാക്കോ ബോബന്‍, സുരാജ് വെഞ്ഞാറമ്മൂട്, എം ജയചന്ദ്രന്‍, എന്നിവരാണ് പോസ്റ്റര്‍ റിലീസ് ചെയ്തത്. ഒരു ക്യാമ്പസ് ത്രില്ലറാണ് താള്‍. ഗ്രേറ്റ് അമേരിക്കന്‍ ഫിലിംസിന്‍റെ ബാന്‍റില്‍ ക്രിസ് തോപ്പില്‍, മോണിക്ക എമ്പാട്ടി, നിശീല്‍ കമ്പാട്ടി തുടങ്ങിയവര്‍ ചേര്‍ന്ന് നിര്‍മ്മിക്കുന്ന ചിത്രത്തില്‍ നവാഗതനായ രാജാസാഗര്‍ സംവിധാനം ചെയ്യുന്നു. ചിത്രത്തിന്റെ കഥയും തിരക്കഥയും സംഭാഷണവും നിര്‍വഹിക്കുന്നത് മാധ്യമ പ്രവര്‍ത്തകനായ ഡോ ജി കിഷോര്‍ ആണ്.
ആന്‍സന്‍ പോള്‍, ആരാദ്ധ്യ ആന്‍, രാഹുല്‍ മാധവ്, രഞ്ജി പണിക്കര്‍, സിദ്ധാര്‍ഥ് ശിവ, ശ്രീധന്യം നോബിന്‍, രോഹിണി, ദേവി അജിത്ത്, വിവിയ ശാന്ത്, മറീന മൈക്കിള്‍, അരുണ്‍ കുമാര്‍, തുടങ്ങിയവര്‍ പ്രധാനകഥാപാത്രങ്ങളായി എത്തുന്നു. ഛായാഗ്രഹണം സിനു സിദ്ധാര്‍ഥ്, സംഗീതം ബിജിപാല്‍, വരികള്‍ ബി കെ ഹരിനാരായണന്‍, രാധാകൃഷ്ണന്‍ കുന്നുംപുറം.
