നടൻ മോഹൻലാലിന്റെ മകൾ വിസ്മയ മോഹൻലാൽ ഇനി സിനിമയിലേക്ക്. അച്ഛന്റെയും സഹോദരന്റെയും പാതയിലൂടെ സിനിമയിലേക്ക് ആദ്യ ചുവടു വയ്ക്കുവാനൊരുങ്ങുകയാണ് വിസ്മയ. ‘തുടക്കം’ എന്നാണ് ചിത്രത്തിന്റെ പേര്. ജൂഡ് ആന്റണിയാണ് ചിത്രം സംവിധാനംചെയ്യുന്നത്.
ചിത്രത്തിന്റെ ടൈറ്റിൽ പോസ്റ്റർ മോഹൻലാൽ സോഷ്യൽ മീഡിയയിൽ ഷെയർ ചെയ്തു. “പ്രിയ മായക്കുട്ടി, നിന്റെ ‘തുടക്കം’ സിനിമയോടുള്ള നിന്റെ ആജീവനാന്ത പ്രണയത്തിലെ ആദ്യ പടിയാകട്ടെ” എന്നാണ് മോഹൻലാൽ പോസ്റ്റർ പങ്കുവച്ചപ്പോൾ കുറിച്ചിട്ടത്. ചിത്രകാരിയും എഴുത്തുകാരിയും കൂടിയാണ് വിസ്മയ മോഹൻലാൽ.
