ലാലും അനൂപ് മേനോനും ഒന്നിക്കുന്ന ചിത്രം ചെക്ക് മേറ്റ് എന്ന ചിത്രത്തിന്റെ ട്രയിലർ പുറത്തിറങ്ങി. ചിത്രത്തിന്റെ തിരക്കഥയും സംവിധാനവും ഛായാഗ്രഹണവും സംഗീതവും നിർവഹിച്ചിരിക്കുന്നത് രതീഷ് ശേഖരാണ്. ഹോളിവുഡ് സിനിമകളെ കിടപിടിക്കുന്ന ദൃശ്യവിസ്മയമാണ് ചെക്ക് മേറ്റ് എന്ന ചിത്രത്തിന്റെ പ്രത്യേകത. നിമിഷങ്ങൾക്കകം തന്നെ ട്രയിലർ വൈറലായിക്കഴിഞ്ഞു.
നടനും തിരക്കഥാകൃത്തുമായ അനൂപ് മേനോൻ നായകാനായി എത്തുന്ന ഈ ചിത്രത്തിലെ മറ്റൊരു പ്രധാനകഥാപാത്രം ലാൽ ആണ്. കൂടാതെ രേഖ ഹരീന്ദ്രൻ, അഞ്ജലി മേനോൻ, വിശ്വം നായർ, രാജലക്ഷ്മി, തുടങ്ങിയവരും മറ്റ് കഥാപാത്രങ്ങളായി എത്തുന്നുണ്ട്. ന്യൂയോർക്കിലാണ് ചിത്രത്തിന്റെ ഭൂരിഭാഗവും ഷൂട്ടിംഗ് പൂർത്തിയാക്കിയത്. ഓഗസ്ത് എട്ടിനാണ് ചിത്രം തിയ്യേറ്ററുകളിൽ എത്തുക. ഗാനരചന: ബി കെ ഹരിനാരായണൻ.
