‘രാമലീല’ക്ക് ശേഷം ‘ബാന്ദ്ര’യില്‍  ഒന്നിച്ച് ദിലീപും അരുണ്‍ ഗോപിയും; തമന്ന നായിക, ടീസര്‍ പുറത്ത്

ദിലീപും തമന്നയും പ്രധാന വേഷത്തില്‍ എത്തുന്ന ചിത്രം ബാന്ദ്രയുടെ ടീസര്‍ പുറത്തിറങ്ങി. രാമലീലക്ക് ശേഷം സംവിധായകന്‍ അരുണ്‍ ഗോപിയും ദിലീപും ഒന്നിക്കുന്ന ചിത്രമാണ് ബാന്ദ്ര. മാസ് ആക്ഷന്‍ ചിത്രവും ഫാമിലി എന്‍റര്‍ടൈമെന്‍റ് മൂവിയുമാണ് ബാന്ദ്ര എന്നു അണിയറ പ്രവര്‍ത്തകര്‍ അവകാശപ്പെടുന്നു. ഒരു പാന്‍ഇന്ത്യന്‍ ചിത്രം കൂടിയാണ് ബാന്ദ്ര. ചിത്രത്തില്‍ ബോളിവുഡ് നടന്‍ ദിനോ മോറിയയും തമിഴ് നടന്‍ ശരത് കുമാറും എത്തുന്നതാണ് ചിത്രത്തിന്‍റെ മറ്റൊരു പ്രത്യേകത. അജിത്ത് വിനായക ഫിലിംസിന്‍റെ  ബാനറില്‍ ഒരുങ്ങുന്ന ചിത്രത്തില്‍ സിദ്ദിഖ്, കലാഭവന്‍ ഷാജോണ്‍, ഗണേഷ് കുമാര്‍, തുടങ്ങിയവര്‍ പ്രധാന വേഷത്തില്‍ എത്തുന്നു. ഛായാഗ്രഹണം ഷാജി കുമാര്‍, സംഗീതം സാം സി എസ്, എഡിറ്റിങ് വിവേക് ഹര്‍ഷന്‍