ആഗസ്ത് പത്തിന് വേള്‍ഡ് റിലീസിലേക്ക് തയ്യാറെടുക്കുകയാണ് സൂപ്പര്‍സ്റ്റാര്‍ രജനികാന്തിന്‍റെ ബിഗ് ബജറ്റ് ചിത്രമായ ജയിലര്‍. ആഘോഷപൂര്‍വമാണ് ചിത്രത്തെ വരവേല്‍ക്കുവാന്‍ ആരാധകരും സിനിമാലോകവും ഒരുങ്ങുന്നത്. തലൈവര്‍ ചിത്രം ബോക്സ് ഒഫ്ഫിസ് തൂത്തുവാരുമെന്നാണ് നിലവിലെ വിലയിരുത്തല്‍. നെല്‍സണ്‍ ദിലീപ് കുമാര്‍ സംവിധാനം ചെയ്യുന്ന ചിത്രത്തില്‍ മോഹന്‍ലാല്‍, ശിവ രാജ് കുമാര്‍, തമന്ന ഭാട്ടിയ, രമ്യ കൃഷ്ണന്‍, ജാക്കി ഷറോഫ്, വിനായകന്‍, തുടങ്ങി വമ്പന്‍ താരനിരകളാണ് അണിനിരക്കുന്നത്. വേള്‍ഡ് റിലീസിന് തയ്യാറെടുന്നതിനോടനുബന്ധിച്ച് ചിത്രത്തിന്റെ ട്രയിലര്‍ വൈറലായിക്കഴിഞ്ഞു. തലൈവറുടെ ശക്തമായ തിരിച്ചുവരവും കഥാപാത്രവും ഇതിനകം തന്നെ ചര്‍ച്ചയായിക്കഴിഞ്ഞിരിക്കുകയാണ്. സിനിമയുടെ അഡ്വാന്‍സ് ബുക്കിങിന്‍റെ ആരംഭത്തില്‍ തന്നെ ബംഗ്ലൂര്‍ മൾട്ടിപ്ലെക്സുകളിൽ 800 മുതല്‍ 1400 രൂപ വരെ പുലര്‍ച്ചെ 6 മണിക്കുള്ള വിറ്റുപോയെന്നാണ് ലഭിക്കുന്ന റിപ്പോര്‍ട്ട്.
‘അണ്ണാത്തൈ’ എന്ന ചിത്രത്തിന് ശേഷം മുത്തുവേല്‍ പാണ്ഡ്യന്‍ എന്ന പോലീസുകാരനായി എത്തുന്ന രജനികാന്ത് ചിത്രം കോടികള്‍ വാരിക്കൂട്ടുമെന്നാണ് കണക്ക് കൂട്ടല്‍. മാത്യു എന്ന കഥാപാത്രമായാണ് മോഹന്‍ലാല്‍ ചിത്രത്തില്‍ അതിഥി വേഷത്തില്‍ എത്തുന്നത്. ചിത്രത്തിന് ബജറ്റ് 225 കോടി ലഭിക്കുമെന്നാണ് കണക്കുകൂട്ടല്‍. യു എസ് എ പ്രീമിയര്‍ അഡ്വാന്‍സ് ബുക്കിങ്ങില്‍ 17, 919 ടിക്കറ്റുകള്‍ വിറ്റുപോകുകയും മൂന്നു കോടിരൂപ അതില്‍ നിന്നുമാത്രമായി ലഭിച്ചു എന്നാണ് വിവരം. സണ്‍ പിക്ചേഴ്സിന്‍റെ ബാനറില്‍ നിര്‍മ്മിക്കുന്ന ചിത്രത്തിന്റെ കേരളത്തിലുള്ള വിതരണാവകാശം ശ്രീഗോകുലം മൂവീസിന് വേണ്ടി ശ്രീഗോകുലന്‍ ഗോപാലന്‍ സ്വന്തമാക്കി. സംഗീതം അനിരുദ്ധ് രവിചന്ദര്‍. വിജയ് നായകനായ ‘ബീസ്സി’നു ശേഷം നെല്‍സണ്‍ ദിലീപ് കുമാര്‍ സംവിധാനം ചെയ്യുന്ന 169- മത്തെ ചിത്രമാണ് രജനികാന്ത് നായകനാകുന്ന ജയിലര്‍.
