മണിരത്നം സംവിധാനം ചെയ്ത ബ്രഹ്മാണ്ഡ ചിത്രം ‘ പൊന്നിയന് സെല്വന് ‘ രണ്ടാം ഭാഗത്തിന് തിയ്യേറ്ററുകളില് വമ്പന് സ്വീകരണം. 150 കോടിയുടെ ആഗോള കളക്ഷനാണ് ചിത്രം നേടിയിട്ടുള്ളതെന്ന് ട്രെയ്ഡ് അനലിസ്റ്റും നിരൂപകനുമായ രമേഷ് ബാല പറഞ്ഞു. കല്ക്കിയുടെ ചരിത്ര നോവലിനെ അടിസ്ഥാനമാക്കി നിര്മ്മിച്ച ചിത്രമാണ് പൊന്നിയന് സെല്വന്. സിംഗപ്പൂര്, അമേരിക്ക, മലേഷ്യ, യു എ ഇ, അമേരിക്ക തുടങ്ങിയ രാജ്യങ്ങളിലും ചിത്രം റിലീസ് ചെയ്തിട്ടുണ്ട്. 32-35 കോടി വരുമാനമാണ് റിലീസ് ചെയ്ത ദിവസം ഇന്ത്യയില് നിന്നും നേടിയ കളക്ഷന്. ഈ വര്ഷം റിലീസ് ചെയ്ത തമിഴ് സിനിമകളില് വെച്ച് ആദ്യ ദിനം തന്നെ കളക്ഷന് റെക്കോര്ഡ് സ്വന്തമാക്കിയ വിജയ് ചിത്രം ‘വാരിസി’ നെ പൊന്നിയന് സെല്വന് 2 രണ്ടാം സ്ഥാനത്തേക്ക് പിന്തള്ളി.
‘പൊന്നിയന് സെല്വ’ന്റെ ആദ്യഭാഗവും വളരെ മികച്ച പ്രതികരണമായിരുന്നു ലഭിച്ചിരുന്നത്. 2022 സെപ്തംബര് 22- നാണ് പൊന്നിയന് സെല്വന്റെ ആദ്യഭാഗം റിലീസാവുന്നത്. ലോകസിനിമകളില് തന്നെ ശ്രദ്ധേയമായ ഈ ചിത്രത്തിന്റെ രണ്ടാം വരവിനായുള്ള കാത്തിരിപ്പിലായിരുന്നു സിനിമാ പ്രേമികള്. ബോക്സോഫീസില് 500 കോടി നേടിയ ഈ ചിത്രത്തിന്റെ വരുമാനം 80- കോടിയോളമാണ്. പത്താം നൂറ്റാണ്ടിലെ ചോളരാജവംശത്തിന്റേയും സിംഹാസനത്തിന് വേണ്ടിയുള്ള വടംവലികളും ശത്രുക്കള്ക്കിടയില് നിന്നു കൊണ്ടുള്ള ചെറുത്ത് നില്പ്പും പോരാട്ടങ്ങളുമാണ് ‘പൊന്നിയന് സെല്വന്റെ’ പ്രമേയം. ഐശ്വര്യ റായ്, തൃഷ, ഐശ്വര്യ ലക്ഷ്മി, വിക്രം, കാര്ത്തി, ജയറാം, പ്രഭു, ജയം രവി, ശരത് കുമാര്,റഹ്മാന്, പ്രകാശ് രാജ്, വിക്രം പ്രഭു, പാര്ത്ഥിപന്, അശ്വിന് കാകുമാനു തുടങ്ങി വന്താരനിരകള് അണിനിരക്കുന്ന ചിത്രത്തിന്റെ നിര്മാണം മണിരത്നത്തിന്റെ മദ്രാസ് ടാക്കീസും ലൈക പ്രൊഡക്ഷനും ചേര്ന്നാണ്.
