അബ്ബാo മൂവീസിന്റെ ബാനറിൽ എബ്രഹാം മാത്യു നിർമ്മിച്ച് ബോബൻ സാമുവൽ സംവിധാനം ചെയ്യുന്ന ഏറ്റവും പുതിയ ചിത്രം ‘മച്ചാന്റെ മാലാഖ’യുടെ ടൈറ്റിൽ പോസ്റ്റർ പുറത്തിറങ്ങി. പൃഥ്വിരാജ് സുകുമാരന്റെ ഫേസ്ബുക്ക് പേജിലൂടെയാണ് പോസ്റ്റർ റിലീസായത്. ചിത്രത്തിൽ സൌബിനും നമിത പ്രമോദും പ്രധാന വേഷത്തിലെത്തുന്നു.
ധ്യാൻ ശ്രീനിവാസൻ, ദിലീഷ് പോത്തൻ, വിനീത് തട്ടിൽ, മനോജ് കെ യു, ആര്യ, ശാന്തികൃഷ്ണ, രാജേഷ് പറവൂർ, ശ്രുതി ജയൻ, ആൽഫി പഞ്ഞിക്കാരൻ തുടങ്ങിയവർ പ്രധാന വേഷത്തിലെത്തുന്നു. സംവിധായകൻ ജക്സൺ ആൻറണിയുടെ കഥയ്ക്ക് അജീഷ് പി തോമസിന്റെതാണു തിരക്കഥ. സംഗീതം ഔസേപ്പച്ചൻ, ഛായാഗ്രഹണം വിവേക് മേനോൻ.
