ഭാവന, ഹണിറോസ്, ഇന്ദ്രന്‍സ്, ഉര്‍വശി, അനുമോള്‍ നിയതി, ഗുരു സോമസുന്ദരം, അശ്വിന്‍ തുടങ്ങിയവര്‍ പ്രധാനകഥാപാത്രങ്ങളായി അഭിനയിക്കുന്ന ചിത്രം റാണിയുടെ ട്രൈലര്‍ നടന്‍ മോഹന്‍ലാല്‍ പുറത്തിറക്കി. പതിനെട്ടാംപടി എന്ന ചിത്രത്തിന് ശേഷം തിരക്കഥാകൃത്തും സംവിധായകനുമായ ശങ്കര്‍ രാമകൃഷ്ണന്‍ സംവിധാനം ചെയ്യുന്ന റാണി ഒരു സമകാലികമായ ചിത്രമാണ്. ഉദ്വോഗജനകമായ കഥ പറയുന്ന സ്ത്രീ പ്രധാന്യമുള്ള ത്രില്ലര്‍ ചിത്രമാണ് റാണി.
സെപ്ടെംബര്‍ 21- നു തിയ്യേറ്ററിലേക്ക് എത്തുന്ന ചിത്രം മാജിക് വെയില്‍ പ്രൊഡക്ഷന്‍സിന്‍റെ ബാനറില്‍ ശങ്കര്‍ രാമകൃഷ്ണന്‍, ജിമ്മി ജേക്കബ്, വിനോദ് മേനോന്‍ തുടങ്ങിയവരാണ് ചിത്രം നിര്‍മ്മിക്കുന്നത്. എഡിറ്റിങ് അപ്പു ഭട്ടതിരി, ഛായാഗ്രഹണം വിനായക് ഗോപാല്‍, രചനയും സംഗീതവും മേന മേലത്ത്.
