കുടുംബ പ്രേക്ഷകരുടെ ഇഷ്ട ചിത്രമായി തിയ്യേറ്ററില് നിറഞ്ഞു നില്ക്കുകയാണ് വോയ്സ് ഓഫ് സത്യനാഥന്. നിരവധി പ്രേക്ഷകരാണ് ‘സത്യനാഥനെ’ കാണുവാന് തിയ്യേറ്ററിലേക്ക് എത്തുന്നത്. ദിലീപ് മൂന്നു വര്ഷത്തെ ഇടവേളയ്ക്ക് ശേഷം അഭിനയിക്കുന്ന ചിത്രമാണെന്ന പ്രത്യേകത കൂടിയുണ്ട്, വോയ്സ് ഓഫ് സത്യനാഥന്. ബോക്സ് ഓഫ്ഫിസ് കളക്ഷനില് കൂടുതല് തുക നേടുന്ന കേരളത്തിലെ അഞ്ചാമത്തെ ചിത്രമാണ് വോയിസ് ഓഫ് സത്യനാഥന്.
നിലവില് ഹൌസ് ഫുള് ആയിട്ടാണ് ചിത്രം തിയ്യേറ്ററുകളില് ഓടിക്കൊണ്ടിരിക്കുന്നത്. ഒരു കോടി എണ്പതുലക്ഷം ഗ്രോസ് കളക്ഷന് വോയ്സ് ഓഫ് സത്യനാഥന് ആദ്യ ദിവസം നേടി. കേരളത്തില് വാരിസ് പൊന്നിയന് സെല്വന് 2, പഠാന്, 2018 എന്നീ ചിത്രങ്ങള്ക്ക് ശേഷം കളക്ഷനില് മുന്നിട്ട് നില്ക്കുന്ന ചിത്രം കൂടിയാണിത്. ജോജു ജോര്ജ്ജും സിദ്ധിക്കും ചിത്രത്തില് ശ്രദ്ധേയമായ കഥാപാത്രങ്ങളെ അവതരിപ്പിക്കുന്നു. തമാശയും ഇടയില് ഗൌരവവും ഇടകലര്ന്ന ചിത്രമാണ് വോയിസ് ഓഫ് സത്യനാഥന്.
ബാദുഷ സിനിമാസിന്റെയും ഗ്രാന്റ് പ്രൊഡക്ഷന്സിന്റെയും ബാനറില് എന് എം ബാദുഷയും ഷിനോയ് മാത്യുവും ദിലീപും രാജന് ചിറയിലും ചേര്ന്നാണ് ചിത്രം നിര്മ്മിക്കുന്നത്. ചിത്രത്തിന് ഛായാഗ്രഹണം സ്വരൂപ് ഫിലിപ്പും സംഗീതം അങ്കിത് മേനോനും എഡിറ്റിങ് ഷമീര് മുഹമ്മദും നിര്വഹിച്ചു.
