സൌബിന്‍ ഷാഹിര്‍, നമിതപ്രമോദ് എന്നിവരെ കേന്ദ്രകഥാപാത്രമാക്കി ബോബന്‍ സാമുവല്‍ സംവിധാനം ചെയ്യുന്ന ഫാമിലി എന്‍റര്‍ടൈമെന്‍റ് ചിത്രത്തിന്റെ ഷൂട്ടിംഗ് ആരംഭിക്കുന്നു. ബസ് കണ്ടക്ടറായ സജീവും മെഡിക്കല്‍ ഷോപ്പ് ജീവനക്കാരിയും സജീവിന്‍റെ ഭാര്യയുമായ ലിജിമോള്‍ എന്ന കഥാപാത്രമായി നമിത പ്രമോദും എത്തുന്നു. മുളന്തുരുത്തിയിലാണ് ചിത്രീകരണം. അബാം മൂവീസിന്‍റെ ബാനറില്‍ എബ്രഹാം മാത്യു ചിത്രം നിര്‍മ്മിക്കുന്നു.
നമിതപ്രമോദും സൌബിന്‍ ഷാഹിറും കൂടാതെ ദിലീഷ് പോത്തന്‍, ശാന്തി കൃഷ്ണ, ദര്‍ശന സുദര്‍ശന്‍, മനോജ് കെ യു, ശ്രുതി ജയന്‍, വിനീത് തട്ടില്‍, ആര്യ തുടങ്ങിയവരും പ്രധാന കഥാപാത്രങ്ങളായി എത്തുന്നു. ജക്സണ്‍ ആന്‍റണി കഥയും അജീഷ് തോമസ് തിരക്കഥയും രചിച്ചിരിക്കുന്നു. വരികള്‍- സിന്‍റോ സണ്ണി, സംഗീതം- ഔസേപ്പച്ചന്‍, ഛായാഗ്രഹണം- വിനോദ് മേനോന്‍,. മുളന്തുരുത്തി, അന്നമനട, മാള എന്നിവിടങ്ങളിലായി ചിത്രത്തിന്റെ ഷൂട്ടിംഗ് പൂര്‍ത്തിയാകും.
