പ്രഥമ ഇന്നസെന്റ് പുരസ്കാരം ഇടവേള ബാബുവിന്

പ്രഥമ ഇന്നസെന്റ് പുരസ്കാരം ഇടവേളബാബുവിന്. കലാമേഖലയിലെ ഇടവേള ബാബുവിന്റെ സംഭാവനകളെ മുൻനിർത്തി നല്കിയാണ് പുരസ്കാരം പ്രഖ്യാപിച്ചത്. ചലച്ചിത്ര താരങ്ങളുടെ സംഘടനയായ ‘അമ്മ’യുടെ ജനറൽ സെക്രട്ടറിയും നടനുമാണ് ഇദ്ദേഹം. ലെജന്റ്സ് ഓഫ് ഇരിങ്ങാലക്കുടയുടെ ആഭിമുഖ്യത്തിൽ നടന്ന ഇന്നസെന്റ് സ്മൃതി സംഗമവും പുരസ്കാര സമർപ്പണവും നല്കി മന്ത്രി ആർ. ബിന്ദു ഉത്ഘാടനം ചെയ്തു സംസാരിച്ചു. നഗരസഭ മുൻ ചെയർപേഴ്സൺ സോണിയാ ഗിരി അദ്യക്ഷത വഹിച്ചു. ഇരിങ്ങാലകുട രൂപതാ മെത്രാൻ മാർ പോളി കണ്ണൂക്കാടൻ അനുഗ്രഹ പ്രഭാഷണവും അഡ്വ: തോമസ് ഉണ്ണിയാടൻ അനുസ്മരണ പ്രഭാഷണവും നടത്തി. ജനറൽ കൺവീനർ ഷാജൻ ചക്കാലക്കൽ, ലെജെൻറ്സ് ഓഫ് ഇരിങ്ങാലക്കുട പ്രസിഡെന്റ് ലിയോ താണിശ്ശേരിക്കാരൻ, ജൂനിയർ ഇന്നസെന്റ് തുടങ്ങിയവർ സംസാരിച്ചു.