ഇന്ത്യ സ്നേഹം പ്രൊഡക്ഷൻസിന്റെ ബാനറിൽ ബിജോ തട്ടിൽ, ജോയ് കാഞ്ഞിരത്തിങ്കൽ ജോസ്, പീറ്റർ വർഗീസ്, ജോമോൻ ജോസ് എന്നിവർ ചേർന്ന് നിർമ്മിച്ച് നവാഗതനായ സിന്റോ ഡേവിഡ് സംവിധാനം ചെയ്യുന്ന ഏറ്റവും പുതിയ ചിത്രം ‘സംഭവസ്ഥലത്ത് നിന്നും’ ഉടൻ. സഞ്ജു എളവള്ളി, അഖിലേഷ് തയ്യൂര് എന്നിവരുടേതാണ് തിരക്കഥ. തൃശ്ശൂര്, എറണാകുളം, കാനഡ എന്നിവിടങ്ങളിൽ ആയിരുന്നു ചിത്രീകരണം.
സുധീർ കരമന, അജിത്ത് കൂട്ടാത്തുകുളം, ക്രിസ് വേണുഗോപാൽ, പ്രമോദ് പടിയത്ത്, ശശാങ്കൻ, രേഷ്മ അർ നായർ, സുനിൽ സുഗത, ശിവാജി ഗുരുവായൂര്, ശ്രുതി സുവർണ്ണ, മാളൂ ഗുരുവായൂർ, രവി എളവള്ളി, അശ്വതി ശ്രീകാന്ത്, മൃൺമയി എ മൃദുൽ, പ്രശാന്ത്, അശോക് കുമാർ പെരിങ്ങോട്, ജോജൻ കാഞ്ഞാണി, ഷിബു ലാസർ, നന്ദകിഷോർ, മാധ്യമ പ്രവർത്തകരായ ഹാഷ്മി താജ് ഇബ്രാഹിം, ക്രിസ്റ്റീന എന്നിവർ കഥാപാത്രങ്ങളായി എത്തുന്നു. ഛായാഗ്രഹണം അനീഷ് അർജുൻ, ഗാനരചന സരീഷ് പുളിഞ്ചേരി, സംഗീതം ജിനു വിജയൻ, അജയ് ജോസഫ്, പീറ്റർ വർഗീസ്, ഡെൻസിൽ എം വിൽസൺ. ചിത്രം ഉടൻ തിയ്യേറ്ററുകളിൽ പ്രദർശനത്തിന് എത്തും.
