പുതിയ ഇൻവെസ്റ്റിഗേഷൻ ത്രില്ലർ ചിത്രവുമായി നടനും സംവിധായകനുമായ എം എ നിഷാദ്

പൊലീസ് ഉദ്യോഗസ്ഥനായിരുന്ന പിതാവ് പി എം കുഞ്ഞിമൊയ്തീന്റെ കേസ് ഡയറികളിൽ നിന്നും സിനിമയ്ക്കുള്ള വിഷയം തിരഞ്ഞെടുത്തുകൊണ്ട് അദ്ദേഹത്തിന്റെ മകനും സംവിധായകനും നടനുമായ എം എ നിഷാദ് സിനിമയൊരുക്കുന്നു. വളരെക്കാലം ക്രൈം ബ്രാഞ്ച് എസ് പി,  ഇടുക്കി എസ് പി, മധ്യമേഖല ഡി ഐ ജി, ക്രൈംബ്രാഞ്ച് ഡി ഐ ജി  എന്നീ മേഖലകളിൽ സേവനമനുഷ്ഠിച്ചതിന് ശേഷം സർവ്വീസിൽ നിന്നും വിരമിക്കുകയായിരുന്നു. പ്രമാദമായ പല കേസുകളും അദ്ദേഹം തെളിയിച്ചിട്ടുണ്ട്. വിശിഷ്ട സേവനത്തിന് രണ്ടുവട്ടം ഇന്ത്യൻ പ്രസിഡന്റിന്റെ സ്വർണ്ണമെഡൽ ഇദ്ദേഹം നേടിയിട്ടുണ്ട്. നിഷാദിന്റെതാണു തിരക്കഥയും സംവിധാനവും. ചിത്രത്തിൽ പ്രധാനകഥാപാത്രമായി എം എ നിഷാദും എത്തുന്നുണ്ട്. ഈ ഇൻവെസ്റ്റിഗേഷൻ ത്രില്ലർ ചിത്രത്തിന്റെ ടൈറ്റിൽ  ലോഞ്ചിങ് ഏപ്രിൽ 12 ന് നടക്കും. ബെൻസി പ്രൊഡക്ഷൻസിന്റെ ബാനറിൽ കെ വി അബ്ദുൽ നാസ്സറാണ് ചിത്രം നിർമ്മിക്കുന്നത്.  ഏപ്രിൽ 22 ന് കോട്ടയത്ത് ചിത്രീകരണം ആരംഭിക്കും.