മോഹന്‍ലാല്‍ നായകനായി എത്തുന്ന പാന്‍ ഇന്ത്യന്‍ ചിത്രം വൃഷഭയുടെ ഫസ്റ്റ് ഷെഡ്യൂള്‍ പൂര്‍ത്തിയായി. മലയാളത്തിലും തെലുങ്കിലുമായി നിര്‍മ്മിക്കുന്ന ചിത്രത്തിന്റെ കന്നഡ, ഹിന്ദി ഭാഷകളിലുള്ള മൊഴിമാറ്റം അടുത്ത വര്‍ഷം പ്രദര്‍ശനത്തിന് എത്തും. നന്ദകിഷോര്‍ സംവിധാനം ചെയ്യുന്ന ചിത്രത്തില്‍ റോഷന്‍ മേക്ക, ഷനായ കപൂര്‍, സഹ്റ എസ് ഖാന്‍ എന്നിവര്‍ അഭിനയിക്കുന്നു. ഏകതാ കപൂറിന്‍റെ ബാലാജി ടെലിഫിലിംസും കണക്റ്റ് മീഡിയയും എ വി എസ് സ്റ്റുഡിയോയും ചേര്‍ന്ന് നിര്‍മ്മിക്കുന്ന ചിത്രമാണ് വൃഷഭ.
വൃഷഭയുടെ ഫസ്റ്റ് ഷെഡ്യൂള്‍ പൂര്‍ത്തിയായ വിവരം മോഹന്‍ലാല്‍ ആണ് ഫേസ് ബുക്കിലൂടെ പങ്ക് വെച്ചത്. ചിത്രത്തിലെ വാളുയര്‍ത്തി നില്‍ക്കുന്ന തന്‍റെ ഒരു ഫോട്ടോ അടക്കം താരം ഷെയര്‍ ചെയ്തിട്ടുണ്ട്. മികച്ച ദൃശ്യാനുഭവമായിരിക്കും വൃഷഭ പ്രേക്ഷകര്‍ക്ക് സമ്മാനിക്കുക എന്നു അണിയറ പ്രവര്‍ത്തകര്‍ അവകാശപ്പെടുന്നു. 200- കോശി ബജറ്റില്‍ നിര്‍മ്മിക്കുന്ന ചിത്രത്തില്‍ സഹ്റ ഖാന്‍ ആണ് നായികയായി എത്തുന്നത്. ഒരു ആക്ഷന്‍ എന്‍റര്ടൈമെന്‍റ് ചിത്രമാണ് വൃഷഭ. 2024- ല്‍ ചിത്രം പ്രദര്‍ശനത്തിന് എത്തും.
