നിര്‍മാണം ചെമ്പന്‍ വിനോദ്; ‘അഞ്ചക്കള്ളകോക്കാന്‍’ ഫസ്റ്റ് ലുക്ക് പോസ്റ്റര്‍ പുറത്ത്

നടനായും നിര്‍മാതാവായും തിരക്കഥാകൃതായും മലയാള സിനിമയില്‍ തന്‍റേതായ ഇരിപ്പിടം കണ്ടെത്തിയ ചെമ്പന്‍ വിനോദ് നിര്‍മാതാവായി എത്തുന്ന ചിത്രം ‘അഞ്ചക്കള്ളകോക്കാന്‍’ ചെമ്പന്‍ വിനോദിന്‍റെ സഹോദരന്‍ ഉല്ലാസ് ചെമ്പന്‍ സംവിധാനം ചെയ്യുന്നു. ഉല്ലാസ് ചെമ്പന്‍ ഇതിന് മുന്‍പ് അങ്കമാലി ഡയറീസ് എന്ന ചിത്രത്തിലും അഭിനയിച്ചിട്ടുണ്ട്. ചെമ്പോസ്കി മോഷന്‍ പിക്ചേഴ്സ് പ്രേക്ഷകര്‍ക്ക് വേണ്ടി ചിത്രം തിയ്യേറ്ററുകളിലേക്ക് എത്തിക്കും. ജെല്ലിക്കെട്ട്, ചുരുളി, സ്വാതന്ത്ര്യം അര്‍ദ്ധരാത്രിയില്‍, സുലൈഖ മന്‍സില്‍, തുടങ്ങി ആറോളം സിനിമകള്‍ തിയ്യേറ്ററുകളിലേക്ക് എത്തിച്ചിട്ടുണ്ട്. പേര് പോലെ വ്യത്യസ്തവും കൌതുകമുണര്‍ത്തുന്ന ചിത്രമായിരിക്കും ‘അഞ്ചക്കള്ളകോക്കാന്‍’. പൊറാട്ട് എന്ന കലാരൂപമാണ് ചിത്രത്തിന് പ്രമേയം. ചെമ്പന്‍ വിനോദ്, മണികണ്ഠന്‍ ആചാരി, മെറിന്‍ ഫിലിപ്, മേഘാ തോമസ്, ശ്രീജിത്ത് രവി, സെന്തില്‍ കൃഷ്ണ, ലുക് മാന്‍ അവരാണ്‍, തുടങ്ങിയവര്‍ ചിത്രത്തില്‍ പ്രധാന വേഷത്തില്‍ എത്തുന്നു. സംഗീതം  മണികണ്ഠന്‍ അയ്യപ്പന്‍, ഛായാഗ്രഹണം ആര്‍മോ, എഡിറ്റിങ് രോഹിത് വാരിയത്ത്. ചിത്രത്തിന്‍റെ ഷൂട്ടിംഗ് പൂര്‍ത്തിയായി. ചിത്രം ഉടന്‍ തിയ്യേറ്ററുകളിലേക്ക് എത്തും.