മാർത്താണ്ഡൻ സംവിധാനം ചെയ്ത് റോഷൻ മാത്യു, ഷൈൻ ടോം ചാക്കോ തുടങ്ങിയവർ പ്രധാന വേഷത്തിലെത്തുന്ന പുതിയ ചിത്രം ‘മഹാറാണി’ നാളെ മുതൽ തിയ്യേറ്ററുകളിൽ പ്രദർശനത്തിന് എത്തുന്നു. ഇഷ്ക്, അടി മുതലായ സിനിമകൾക്ക് വേണ്ടി തിരക്കഥ ഒരുക്കിയ രതീഷ് രവിയാണ് മഹാറാണിയുടെ തിരക്കഥ എഴുതിയിരിക്കുന്നത്. എസ് ബി ഫിലിംസിന്റെ ബാനറിൽ സുജിത് ബാലനും എൻ എം ബാദുഷായും ചിത്രം നിർമ്മിക്കുന്നു.
ബാലു വർഗീസ്, ജോണി ആൻറണി, ഹരിശ്രീ അശോകൻ, ജാഫർ ഇടുക്കി, കൈലാഷ്, ഗോകുലൻ, നിഷാ സാരംഗ്, അശ്വത് ലാൽ, ശ്രുതി ജയൻ, പ്രിയ കോട്ടയം, സന്ധ്യ മനോജ്, രഘുനാഥ് പലേരി, അപ്പുണ്ണി ശശി, ആദിൽ ഇബ്രാഹിം, ഉണ്ണി ലാലു, പ്രമോദ് വെളിയനാട്, ഗൌരി ഗോപൻ, തുടങ്ങിയവർ ചിത്രത്തിൽ പ്രധാന കഥാപാത്രങ്ങളായി എത്തുന്നു. ഛായാഗ്രഹണം എസ് ലോകനാഥൻ, പശ്ചാത്തല സംഗീതം ഗോപി സുന്ദർ, ഗാനരചന രാജീവ് ആലുങ്കൽ, എഡിറ്റിങ് നൌഫൽ അബ്ദുള്ള.
