ചിന്നു ചാന്ദ്നിയെ നായികയാക്കി സ്റ്റെപ്പ് 2 ഫിലിംസിന്റെ ബാനറിൽ അനിൽ സൂരജ് നിർമ്മിച്ച് സൂരജ് ടോം സംവിധാനം ചെയ്യുന്ന കോമഡി ഡ്രാമ ചിത്രം ‘വിശേഷ’ത്തിന്റെ ടീസർ പുറത്തിറങ്ങി. സംഗീത സംവിധായകൻ ആനന്ദ് മധുസൂദനൻ ആണ് ചിത്രത്തിൽ നായകനായി എത്തുന്നത്. കൌമാരക്കാർക്കിടയിൽ വൈറലായിരുന്ന ‘പൊടിമീശ മുളയ്ക്കണ പ്രായം’, തുടങ്ങി നിരവധി ഹിറ്റ് ഗാനങ്ങൾ ആനന്ദ് സംഗീതം പകർന്നവയാണ്. ‘വിശേഷ’ത്തിന്റെ കഥയും തിരക്കഥയും സംഗീതവും പശ്ചാത്തല സംഗീതവും ഗാനരചനയും നിർവഹിക്കുന്നത് ആനന്ദ് ആണ്.
കാലാകാലങ്ങളായി സിനിമയിൽ നടന്നുപോരുന്ന നായിക- നായക സങ്കൽപ്പത്തെ തിരുത്തിയെഴുതുകയാണ് ചിത്രത്തിന്റെ അണിയറ പ്രവർത്തകർ. അൽത്താഫ് സലീം, വിനീത് തട്ടിൽ, ജോണി ആൻറണി, മാല പാർവതി, ബൈജു ജോൺസൺ, ഭാനുമതി പയ്യന്നൂർ, അജിത മേനോൻ, ആൻ സലീം, ഷൈനി സാറാ രാജൻ, സൂരജ് പോപ്സ്, ജിലൂ ജോസഫ്, അമൃത, തുടങ്ങിയവർ പ്രധാന കഥാപാത്രങ്ങളായി എത്തുന്നു. ഛായാഗ്രഹണം സാഗർ അയ്യപ്പൻ.
