ദേശീയ സിനിമാദിനമായ ഒക്ടോബര്‍ 13- നു വെറും 99- രൂപയ്ക്ക് സിനിമ കാണാം. ഇതിനായി ബുക്കിങ് ആരംഭിച്ചിരിക്കുകയാണ്. സിനിമാ പ്രേമികള്‍ക്ക് വമ്പന്‍ ഓഫറുമായി എത്തിയിരിക്കുന്നത് മള്‍ട്ടി പ്ലെക്സ് അസോസിയേഷന് ഓഫ് ഇന്ത്യ ആണ്. രാജ്യത്തുള്ള നാലായിരത്തിലേറെ സ്ക്രീനുകളിലൂടെയാണ് പ്രേക്ഷകര്‍ക്ക് ഈ അവസരം സ്വന്തമാക്കി സിനിമകാണാനുള്ള ചാന്‍സ് ഒരുക്കിയിരിക്കുന്നത്. മള്‍ട്ടിപ്ലെക്സ് അസോസിയേഷന് കീഴിലുള്ള പിവിആര്‍ ഐനോക്സ്, സിനിപോളിസ്, വേവ്, മിറാഷ്, എം2കെ, സിറ്റിപ്രൈഡ്, ഡിലൈറ്റ്, ഏഷ്യന്‍, മുക്ത എ 2,മൂവി ടൈം തുടങ്ങിയ ശൃംഖലകളിലൂടെ ഈ ഇളവ് ലഭിക്കുന്നതാണ്.
ബുക്ക് മൈഷോ, പെടിഎം തുടങ്ങിയ സിനിമ ബുക്കിങ് അപ്പുകളിലൂടെ ഈ ഓഫറിലൂടെ സിനിമബുക്ക് ചെയ്തു കാണാവുന്നതാണ്. ഒക്ടോബര്‍ 13- വരെ ഏത് സമയത്തും ഈ സൌജന്യത്തില്‍ ബുക്ക് ചെയ്യാം. ആപ്പുകളില്‍ ബുക്ക് ചെയ്യുമ്പോള്‍ 99 രൂപയ്ക്ക് പുറമെ അധിക ചാര്‍ജും ഈടാക്കുന്നതാണ്. അയിമാക്സ്, 4 ഡിഎക്സ്, റിക്ലൈനര്‍ തുടങ്ങിയ പ്രീമിയം വിഭാഗങ്ങളില്‍ ഈ ഓഫര്‍ ലഭിക്കുകയില്ല.
