‘ദി ബോഡി’ ക്കു ശേഷം ത്രില്ലര്‍ ഡ്രാമ ചിത്രവുമായി ജിത്തു ജോസഫ് വീണ്ടും ബോളിവുഡിലേക്ക്

മലയാള സിനിമയില്‍ മാത്രമല്ല, ഇതര ഇന്ത്യന്‍ ഭാഷകളിലും ദേശീയ ശ്രദ്ധ നേടിയ ജിത്തു ജോസഫ് ദൃശ്യം1, ദൃശ്യം 2 എന്നീ ചിത്രങ്ങള്‍ക്ക് ശേഷം ബോളിവുഡിലേക്ക് കടക്കുന്നു. വരാനിരിക്കുന്നത് ത്രില്ലര്‍ ഡ്രാമ ചിത്രമാണെന്നാണ് സൂചന. ജംഗ്ലി പിക്ചേഴ്സും ക്ലൌഡ് 9 പിക്ചേഴ്സും ചേര്‍ന്ന് നിര്‍മ്മിക്കുന്ന ഈ ചിത്രത്തില്‍ ഒരു പോലീസ് ഓഫീസറുടെ കഥയാണ് പറയുന്നത്. 2019- ല്‍ ഇമ്രാന്‍ ഹാഷ്മിയെയും ഋഷി കപൂറിനെയും കേന്ദ്രകഥാപാത്രങ്ങളാക്കിക്കൊണ്ട് ജിത്തു ജോസഫ് സംവിധാനം ചെയ്ത ‘ദി ബോഡി’ ആണ് ഹിന്ദിയിലെ ഒടുവിലത്തെ സിനിമ. ഹിന്ദിയില്‍ സിനിമയിറക്കുന്നതിനായി മികച്ച തിരക്കഥയ്ക്കുള്ള കാത്തിരിപ്പിലായിരുന്നു താനെന്നു ജിത്തു ജോസഫ് പറയുന്നു.