ടെക്സാസ് ഫിലിം ഫാക്ടറിയുടെ ബാനറിൽ അജിത്ത് എസ് കെ, സമീർ ചെമ്പയി എന്നിവര് ചേർന്ന് നിർമ്മിച്ച് ശ്രീനാഥ് ഭാസിയും ഷൈൻ ടോം ചാക്കോയും പ്രധാന വേഷത്തിൽ എത്തുന്ന ചിത്രം തേരി മേരിയുടെ ചിത്രീകരണം ആരംഭിച്ചു. അനൂപ് മേനോൻ തിരക്കഥ എഴുതി സംവിധാനം ചെയ്ത കിംഗ് ഓഫ് ഫിഷ് ആണ് ടെക്സാസ് ഫിലിം ഫാക്ടറി നിർമ്മിച്ച മറ്റൊരു ചിത്രം. ആരതി ദേവിയുടേതാണ് തിരക്കഥയും സംവിധാനവും.
മാർച്ച് 16 ശനിയാഴ്ച വർക്കല ജനാർദ്ദന സ്വാമി ക്ഷേത്രത്തിൽ വെച്ച് ചിത്രത്തിന്റെ പൂജചടങ്ങുകൾ നടന്നു. എക്സിക്യൂട്ടീവ് പ്രൊഡ്യൂസർ അലക്സ് തോമസ്, ബബിത ബാബു തുടങ്ങിയവർ സ്വിച്ചോൺ കർമ്മം നിർവഹിച്ചു. അലക്സ് തോമസ് ഫസ്റ്റ് ക്ലാപ്പ് നല്കി. തെലുങ്ക് താരം ശ്രീരംഗ സുധയും അന്ന രാജനും മറ്റ് പ്രധാന കഥാപാത്രമായി എത്തുന്നു. ഇർഷാദ് അലി, ഷാജു ശ്രീധർ, ബബിത ബാബു, സോഹൻ സീനുലാൽ, എന്നിവരാണ് ചിത്രത്തിലെ മറ്റ് അഭിനേതാക്കൾ. ഛായാഗ്രഹണം ബിബിൻ ബാലകൃഷ്ണൻ, സംഗീതം കൈലാസ് മേനോൻ, എഡിറ്റിങ് എം എസ് അയ്യപ്പൻ, വർക്കല, തിരുവനന്തപുരം, കോവളം, കന്യാകുമാരി എന്നിവിടങ്ങളിൽ ചിത്രീകരണം നടക്കും.
